नेकपाका केन्द्रिय सदस्यसमेत रहेका पूर्व मन्त्री एवम् प्रतिनिधि सभा सदस्य महेश बस्नेतले स्थानीय प्रहरीलाई मोटरसाइकल दिएका छन् । सूर्यविनायक ७ स्थित महानगरीय अस्थायी प्रहरी प्रभाग गुण्डुलाई उनले उक्त सवारी साधन उपलब्ध गराएका हुन ।                                                                                                                                                                       कोभिड १९ को संक्रमण रोकथाम र नियन्त्रणमा एक ठाउँ बाट अर्को ठाँउ जान प्रहरीलाई असजिलो देखेपछि बस्नेतले मोटरसाइकल दिएको उनका स्वकीय सचिव दिनेथ थापाले बताए । थापाका अनुसार सांसद बस्नेतले आफ्नै निजी मोटरसाइकल प्रहरीलाई दिएका हुन् । उनले आफ्नो घरमा प्रयोग भैरहेको बजाजको डिस्कभर बाइक प्रहरी प्रभागलाई दिएका स्वकीय सचिव थापाले जनाएका छन् ।                                                                                                                                                                                                   बुधबार अस्थायी प्रभागका प्रहरी इन्चार्ज लाई मोटरसाइकल हस्तान्तरण गर्दै नेता बस्नेतले सवारी साधनले प्रहरीको सेवामा थप सकृयता बढ्ने र समयमै कार्यस्थलमा पुग्न सहज हुने बिश्वास ब्यक्त गरेका थिए । उक्त अवसरमा प्रहरी प्रभागले सवारी साधन उपलब्ध गराएकोमा उनीप्रति आभार प्रकट गरेको थियो ।