News Portal

  • जगाती वृत्तका डिएसपी जोशीको बिदाई : वृत्त प्रमुख बनेर आए, साथी बनेर गए

    राजेशमान मानन्धर / भक्तपुर पोस्ट भक्तपुर, २१ भदौ
    ८०६ पटक
    भक्तपुर, २१ भदौ

    महानगरीय प्रहरी वृत्त, जगातीका प्रमुख समेत रहेका प्रहरी नायब उपरीक्षक (डिएसपी) चक्रराज जोशीको बिदाइ भएको छ । महानगरीय प्रहरी गण महाराजगंजमा सरुवा भएका जोशीको आइतवार बिदाइ भएको हो । उनको ठाँउमा नुवाकोट बाट सरुवा भई आएका राजेश थापाको स्वागत कार्यक्रम पनि सम्पन्न भएको छ । जगाती वृत्तले एकैपटक थापाको स्वागत र जोशीलाई बिदाइ कार्यक्रम सम्पन्न गरेको हो ।

    डिएसपी जोशीले करिब १३ महिना अघि गत वर्षको साउन १३ गते जगाती वृत्त प्रमुखको जिम्मेवारी सम्हालेका थिए । शालीन स्वभाव भएका जोशीले आफ्नो कार्यकालमा वृत्तलाई एउटा परिवार जसरी एकतावद्ध गराइराख्न सफल भएका कटुन्जे प्रभागमा कार्यरत प्रहरी सहायक निरीक्षक मनोज सर्राफ बताउछन् । मातहतका कर्मचारीलाई माया र हौसला दिने उनको स्वभावको मातहतका कर्मचारीले खुलेर प्रसंशा गरेका छन् । कोरोना सन्त्रासका बीच जोशीलाई बिदाइ गर्न मातहतका धेरै प्रहरीहरु बिदाइ कार्यक्रममा उपस्थित भएका थिए । त्यतिमात्र होइन, उनलाई बिदाइको हात हल्लाउन स्थानीयहरुको पनि उल्लेख्य उपस्थिति रहेको देखिन्थ्यो ।

    मृदुभाषी डिएसपी जोशी इन्चार्जकोरुपमा जगाती वृत्तमा आएको भए पनि आत्मीय साथी भएर बिदाइ भएका नेपाल मानव अधिकार संगठनका सभापति रामकृष्ण मानन्धरले बताए । जाँदै गरेका प्रहरी इन्चार्जको बिदाइमा उल्लेख्य उपस्थिति हुनु त्यसको प्रमाण भएको उनको भनाइ छ ।

    डिएसपी जोशीको कार्यकाल कोभिड १९ का कारण चुनौतीपूर्ण बनेको थियो । उपत्यका भित्रिने र बाहिरिने साँगा नाकामा बसेर मानिसहरुलाई रोक्नु र गन्तव्यमा पठाउनु बास्तवमै चुनौतीपूर्ण कार्य थियो । एकातर्फ रोगको त्रासका कारण मानिसलाई रोक्नुपर्ने बाध्यता, अर्कोतर्फ मानवीय संबेदनाका कारण लिनुपर्ने निर्णयबीचको तादम्यता एउटा सक्षम कमाण्डरले मात्र मिलाउन सक्छ । जुन डिएसपी जोशीले हासिहासी पुरा गर्न सफल भएका छन् ।

    उनको नेतृत्वमा वृत्तले लकडाउन र त्यसयता बिना पास उपत्यका आउँन लागेको सवारी साधनलाई दैनिक सयौंको संख्यामा सम्झाइबुझाइ फिर्ता पठाएको छ भने प्रवेश गर्नेहरुको व्यक्तिगत विवरण सहितको अभिलेख व्यवस्था गरेर राखेको देखिन्छ । त्यसैगरी यस अवधीमा वृत्तले बिभिन्न सामाजिक सस्थाहरु संगको सहकार्यमा भोकभोकै हिडेर घर जाने अवस्थाका मजदुर वर्गलाई जगातीमा खाना खुवाउने व्यवस्था मिलाइएको थियो भने पचास हजार बढीलाई गन्तव्यस्थलका जिम्मेवार व्यक्ति र सस्थाको जिम्मा लगाएर पठाउन वृत्तले समन्वयात्मक भूमिका निभाएको थियो ।

    जोशीको नेतृत्वमा जगाती वृत्तले क्वारेन्टाइन र होल्डिङ्ग सेन्टरको व्यवस्थापन, आन्तरीक सुरक्षा तथा अनुगमनमा नेपाली सेना र स्थानीय तहसँग समन्वयात्मक र सहयोगात्मक रुपमा सक्रिय भूमिका निर्वाह गरेको थियो । कोभिड १९ रोकथाम र नियन्त्रणमा अग्र मोर्चामा रहेर काम गरिरहेका प्रहरीमा रोगको जोखिम उच्च हुनु स्वभाविकै हो । त्यति हुँदाहुँदै पनि जगाती वृत्तमा एकजना पनि प्रहरीमा संक्रमण नहुनु डिएसपी जोशीको कुशल नेतृत्वको परिणाम भएको वृत्तका प्रहरीहरुको बुझाइ छ । आफूहरु फ्रन्टमा बसेर काम गर्नु पर्दा डिएसपी जोशीले कोभिड १९ बाट बच्न दैनिक रोलकलमा गर्ने निर्देशनले सचेत भएर ड्युटी गर्द कोभिड बाट बच्न सकिएको प्रहरी निरीक्षक झलक पौडेल सम्झन्छन । डिएसपी जोशीले आफ्नो परिवारका सदस्य झैँ आफूहरुलाई कोभिड बिरुद्ध सावधानी अपनाउन सचेत गराइरहने गरेको उनको भनाइ छ ।

    जोशीको नेतृत्वमा प्रहरी साझेदारी कार्यक्रमलाई बृहतरुपमा जनस्तरमा फैलाई समाजमा सामाजिक बिकृती र विसंगती बढ्न नदिन ब्यापक जनचेतनामूलक कार्यक्रम गरिएका थिए । विशेष गरी विद्यालय र समुदाय केन्द्रित गरी लागू औषध दुर्व्यसनी, साइबर क्राइम,मानव बेचबिखन,घरेलु हिँसा लगायतको नियन्त्रणका लागि बिबिध कार्यक्रम संचालन गरिएको थियो । यस अवधीमा ७२ सरसफाइ कार्यक्रम र घरदैलाे कार्यक्रम र ७२ समुदाय प्रहरी साझेदारी स्कूल सम्पर्क कमिटि गठन गरिएका थिए ।

    उनको कार्यकालमा जुवातासबिरुद्ध बिशेष अपरेशनसमेत गरिदा कयौं जुवाडे नियन्त्रणमा आएका थिए ।चोरी नियन्त्रणमा पनि वृत्तले सफलता पाएको थियो । गत कात्तिकमा जगातीको कस्तुरी चमेना ग्रिह बाट हराएको करिब ४ लाख मूल्यको क्या\मेरा समेत वृत्तले खोज्ने क्रममा बनेपाबाट ३ जना चोरसहित फेला पारेर ल्याएको थियो । त्यसैगरी वृत्तले खसी चोर समात्नेदेखि गाडीको ब्याट्री चोर्ने गिरोहलाई १९० थान ब्याट्री सहित नै समातेर कारवाही गर्न सफलता प्राप्त गरेको थियो ।

    हातहतियार बोकेर हिड्ने बाराका शम्भु साहलाई जगाती वृत्तले बिशेष सुराकीका आधारमा १ थान कटुवा पेस्तोल र छ राउण्ड गोलीसहित समातेर कानुनी दायरामा ल्याउन सफल हुनुका साथै करिब ८ हजार लिटर घरेलु मदिरा र ४३ हजार गाँजाका बोट नष्ट गरी समाजलाई अपराधबाट बचाउन वृत्तले अहोरात्र काम गरेको वृत्तका प्रहरी निरीक्षक झलक पौडेलले जनाएका छन् ।

    प्रतिकृया दिनुहोस्

    भक्तपुर प्रहरीलाई अर्को सफलता : लुटेराहरु रातोपाटीबाट ३ घन्टामै पक्राउ

    भक्तपुर १० कमलविनायकमा लुटेराहरुले फिल्मी शैलीमा पैसा लुटेर फरार भए । एकाविहानै सस्तोमा डलर साट्न...

    नेपालमै छ नेप्का गाउँ जहाँ एकैदिन ७ पटक घाम उदाउने र अस्ताउने गर्छ

    उच्च हिमशृङ्लाहरुले हिमसेनाका रुपमा चारैतिर चौबिसै घण्टा, बाह्रै महिना नियमित, निरन्तर र अविरल पहरा गरेका...

    शिक्षा पत्रकारहरुको दुई छुट्टाछुट्टै संस्थाकाे सचिवमा भक्तपुरका दुई सम्पादक सर्वसम्मत चयन

    शिक्षा पत्रकारहरुको दुई छुट्टाछुट्टै संस्थामा भक्तपुरका २ सम्पादकहरु सचिवमा चयन भएका छन् । यसरी सचिव...

    नेपालमा कोरोनाबाट मृत्यु हुनेको संख्या ४ सय ९१ पुग्यो

    भक्तपुर, १३ असोज । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १० जनाको...

    बलात्कारीलाई मृत्युदण्डको पैरवी

    काठमाडौं, १३ असोज । कलिला नानीहरूको घाँटी निमोठ्ने मानव सभ्यताविपरीतका घटनालाई विद्यमान कानुनले थेग्न नसकेपछि...

    ‘५ लिटर रक्सी, १० लिटर जाँड बनाउन दिनू’

    काठमाडौं, १३ असोज । सर्वाेच्च अदालतले बढीमा ५ लिटर घरेलु रक्सी र १० लिटरसम्म जाँड...