भक्तपुरको एक सरकारी कार्यालयको कार्यालय प्रमुखमै कोरोना पोजेटिभ पाइएको छ । पुनर्निर्माणको क्षेत्रमा काम गर्ने उक्त कार्यालयको प्रमुखमा कोरोना पुष्टि भएको हो ।

भक्तपुरको सल्लाघारीस्थित उक्त कार्यालयको प्रमुखमै कोरोना पुष्टि भएपछि अन्य कर्मचारीहरु चिन्तित बनेका छन् । उनी जिल्लास्थित कार्यालय प्रमुखहरूको बैठकमा समेत सहभागी रहेको पाइएको छ । उनी जिल्लास्थित ठेकेदारहरुसँग पनि सम्पर्कमा रहेको थाहा भएको छ ।

भक्तपुर पोस्ट श्रोतका अनुसार उनमा कार्यलयबाट नभई घरबाट संक्रमण सरेको हो । उनको परिवारको एक सदस्यले कोरोनाको कारण ज्यान गुमाएपछि कन्ट्याक्ट् ट्रेसिङका आधारमा उनको समेत स्वाब परिक्षण गरिएको थियो । रिपोर्टमा कोरोना पोजेटिभ पाइएपछि उनी अहिले होम आइसोलेसनमा रहेको जानकारी प्राप्त भएको छ । उनको स्वास्थ्य अवस्था सामान्य रहेको छ ।