२३ भाद्र २०७७भक्तपुर । पछिल्लो २४ घन्टामा भक्तपुरमा ५८ जनामा कोरोना संक्रमण पुष्टि भएको छ । मंगलवार भक्तपुरमा ५८ सहित उपत्यकामा ३ सय ९३ जना संक्रमित थपिएका छन् । काठमाडौंमा तीन सय र ललितपुरमा ३८ जनामा संक्रमण पुष्टि भएको हो।
यससँगै काठमाडौंमा कुल संक्रमितको संख्या ६ हजार ९१७ पुगेको छ भने ललितपुरमा ९३९ र भक्तपुरमा ७२४ जना छन् ।यस्तै काठमाडौंकी ८० वर्षीया महिला र ८५ वर्षीय पुरुषको कोरोना संक्रमणबाट मृत्यु भएको छ ।
यस्तै देशभर ९ सय २ जनामा कोरोना संक्रमण पुष्टि भएको छ। देशभरका विभिन्न प्रयोगशलामा १० हजार ६११ नमुना परीक्षण गरिएकोमा ९ सय २ जामा संक्रमण पुष्टि भएको हो।
यससँगै नेपालमा संक्रमितको कूल संख्या ४८ हजार १३८ पुगेको छ। उनीहरूमध्ये ३०६ जनाको मृत्यु भएको छ भने ३२ हजार ९६४ जना कोरोनामुक्त भएका छन्।
पछिल्लो २४ घन्टामा मात्र २ हजार २८७ जना संक्रमण मुक्त भएका छन्।