भक्तपुर, २४ भदाैकाठमाडौं उपत्यकामा भोलि बिहीबारबाट ब्यापार-ब्यवसाय खुला हुने भएको छ । भदाै ३ बाट लागु भएको निषेधाज्ञा खुकुलो पार्दै भोलिदेखि सार्वजनिक तथा निजी यातायात समेत खुल्ने भएका छन् ।
बुधबार उपत्यकाका तीनै जिल्लाका प्रमुख जिल्ला अधिकारी सम्मिलित बैठकले निषेधाज्ञालाई खुकुलो पार्ने निर्णय गरेपछि तीनै जिल्लाका प्रजिअहरुले छुट्टाछुट्टै आदेश जारी गरी सोको जानकारी समेत गराएका छन् । आज रातिबाट गत १७ गते एक सातालाइ थपिएकाे निशेधाज्ञाकाे अवधी सकिने भएपछि त्यसलाइ खुकुलाे बनाउदै नयाँ ब्यवस्था भएकाे हाे ।
प्रजिअहरु द्वारा जारी आदेशमा स्वास्थ्य मन्त्रालयले तोकेको मापदण्ड पालना गरेर धेरै व्यवसाय संचालन गर्न दिने उल्लेख गरिएकाे छ ।
भक्तपुरकी प्रमुख जिल्ला अधिकारी हुमकला पाण्डेद्वारा जारी आदेशमा भक्तपुरमा सार्वजनिक सवारी संचालन गर्न दिने उल्लेख गरिएको छ । प्रजिअ पाण्डेले सोह्र सिट भन्दा बढी सिट क्षमता भएका सार्वजनिक सवारी संचालन गर्न दिइने बताएकी छन् । उनले एक लहरमा एक जना रहने गरी कूल क्षमताको आधा भन्दा बढी यात्रु बोक्न नपाइने व्यवस्था गरेकी छन् । त्यसैगरी चालक, सहचालक लगायातले स्वास्थ्य सम्बन्धी मापदण्ड पालना गर्नुपर्ने बताइएको छ ।
प्रजिअ पाण्डेले अत्यावश्यक सवारी मात्र संचानल हुँदै आएको निषेधाज्ञा खुकुलो पार्दै सबैखाले सवारी संचालन गर्न सकिने व्यवस्था गरेकी छन् । ढुवानीका साधन बाहेक अन्यलाई भने जोर बिजोर प्रणाली लागू हुने उनको भनाइ छ ।
यातायातमा जोर विजोर प्रणाली र स्वास्थ्य सुरक्षाका सबै मापदण्ड पालना गरेर धेरै क्षेत्र खुल्न दिने निर्णय भए पनि बढी मानिस भेला-जम्मा हुने क्षेत्रलाई भने खुल्न नदिने आदेश भएको छ।
हेर्नुस् कुन व्यवसाय कुन समय खुल्ने व्यवस्था गरिएको छ