भक्तपुर, २९ भदौ । भक्तपुरमा कोरोना भाइरसबाट थप दुई जनाको मृत्यु भएको छ । मध्यपुर थिमि नगरपालिका ५ का ७७ वर्षे पुरुष र वडा ७ का ८१ वर्षे पुरुषको आज मृत्यु भएको मध्यपुर थिमि नगरपालिकाका प्रमुख मदनसुन्दर श्रेष्ठले जानकारी दिएका छन् ।

नगरप्रमुख श्रेष्ठका अनुसार वडा ५ का पुरुषको मुटुको अपरेशन गर्नुअघि पिसिआर परीक्षण गर्दा कोरोना संक्रमण पुष्टि भएको थियो । त्यस्तै वडा नं ७ का पुरुषको ८ दिनअघि गरिएको पिसिआर परिक्षणमा कोरोना संक्रमण पुष्टि भएको हो ।

यो सँगै भक्तपुरमा कोरोना संक्रमणबाट मृत्यु हुनेको संख्या १६ पुगेको छ ।