भक्तपुर, २ असोज । नेपाल एलपी ग्यास उद्योग संघले शुक्रबार खाना पकाउने ग्यासको मूल्य ताकेको छ । संघले खाली सिलिण्डरको मूल्य रू २१ सय तोकेको छ ।

बाग्मती प्रदेशमा लागु हुने गरी खाली सिलिन्डरको धरौटीवापतको रकम २१ तोकेको हो । अब बाग्मती प्रदेशभित्र जुनसुकै कम्पनीको ग्याससहितको नयाँ सिलिन्डर किन्दा कुल रकम ३ हजार ४७५ रुपैयाँ तिर्नुपर्नेछ । यसमा १ हजार ३७५ रूपैयाँ ग्यासको र २१ सय रूपैयाँ सिलिन्डरको तिर्नुपर्नेछ ।

यसअघि बजारमा कम्पनीअनुसार नयाँ वा खाली सिलिण्डरको धरौटी रकममा मनपरी मूल्य लिइएको गुनासो बढेपछि मूल्य नियन्त्रण र एकरूपता कायम गर्न उक्त निर्णय गरिएको संघको भनाइ छ । यसअघि उपभोक्ताले ४ हजारभन्दा माथि ४५ सयसम्म नयाँ सिलिन्डरको मूल्य तिर्न बाध्य थिए ।