भक्तपुरपोस्ट संवाददाता भक्तपुर, ६ असोज
भक्तपुर, ६ असोज नेपाल प्रहरीका ४ सय ८८ जना प्रहरी निरीक्षक( इन्सपेक्टर) हरुको सरुवा भएको छ । प्रहरी मुख्यालयले सोमबार इन्सपेक्टरहरुको सरुवा गरेको हो ।
इन्सपेक्टर सरुवामा भक्तपुरमा कार्यरत ४ इन्स्पेक्टरहरुको पनि सरुवा भएको छ । सरुवा हुनेमा ठिमी वृत्तका इन्स्पेक्टर पंचलाल गोले, राजीव गिरी, परिसरका कृष्ण प्रसाद बिष्ट र दिपक केसी रहेका छन् ।
इन्द्रमणि अधिकारी प्रहरी प्रशिक्षण प्रतिष्ठान महाराजगंजबाट थिमी वृत्तमा पंचलाल गोलेको ठाउँमा सरुवा भएका छन् भने गिरीको स्थानमा रुपन्देहीबाट रविन्द्र खड्कालाइ ल्याइएको छ ।
परिसरमा रहेका कृष्ण प्रसाद बिष्ट वडा प्रहरी कार्यालय सानोपोखरा मकवानपुरको प्रमुख भएका छन् भने उनको स्थानमा सुवास बुढाथोकी चोरी अनुसन्धान शाखा महाराजगंजबाट सरुवा भएका छन् ।
हेर्नुस् सरुवा लिस्ट
इन्सपेक्टरको सरुवा सुची हेर्न यहां क्लिक गर्नुहोस् ।
