News Portal

  • भक्तपुर अस्पतालका अध्यक्ष सुवाल कोरोना मुक्त

    हिना सुवाल / भक्तपुरपोस्ट भक्तपुर, ८ असाेज
    १४०८ पटक
    भक्तपुर, ८ असाेज

    भक्तपुर अस्पताल संचालन तथा व्यवस्थापन समितिका अध्यक्ष मिलन सुवाल कोरोना भाइरस मुक्त भएका छन् । अस्पताल भर्ना भएको एक सातामै उनले भाइरस माथि विजय प्राप्त गरेका हुन् ।

    बागमती प्रदेश द्वारा संचालित धुलिखेलस्थित जनस्वास्थ्य प्रयोगशालामा पछिल्लो रिपोर्ट कोरोना नेगेटिभ पुष्टि भएपछि उनी अस्पतालबाट डिस्चार्ज भएका छन् । पैतालिस वर्षीय सुवालमा रुघाखोकी, ज्वरो, टाउको दुख्ने, जिउ दुख्ने र पखाला लाग्ने लगायत लक्षण पाइएपछि उनले स्वाब परीक्षण गराएका थिए । रिपोर्टमा कोरोना पोजेटिभ पुष्टि भएपछि उनी गत साता भक्तपुर अस्पतालको आइसोलेसनमा भर्ना भई उपचाररत रहेका थिए ।

    भक्तपुर अस्पतालद्वारा संचालित दुधपाटीस्थित आइसोलेसनमा भर्ना भएका सुवालको उपचारमा डाक्टर सुनिल ढुंगेल लगायतको चिकित्सक टोली संलग्न रहेका थिए । उपचारमा संलग्न स्वास्थ्यकर्मी र आफन्त तथा साथिभाइको हैासलाले कोभिड १९ माथि विजय प्रात भएको भन्दै सुवालले सबैप्रति आभार प्रकट गरेका छन् । भक्तपुर पोस्टसंग कुरा गर्दै नेकपाका नेता समेत रहेका अस्पतालका अध्यक्ष सुवालले कोरोना भाइरस केहि होइन भनेर हेलचेक्राइ नगर्न पनि आम जनसमुदायमा अपिल गरेका छन् ।

    आफूलाई कोरोनाको लक्षण देखिएको र त्यसको पिडाको भुक्तभोगी भएको भन्दै उनले कमजोर रोगप्रतिरोधी क्षमता भएका संक्रमितलाई यसले असाध्यै पिडा दिने अनुभव व्यक्त गरे । ” लक्षण नदेखिने बिरामीलाई खासै केहि नभए पनि लक्षण भएका बिरामीलाई असाध्यै गाह्रो हुनेरहेछ । कोरोनाले लडाएर अस्पताल पुर्याएपछि मैले पनि त्यो गाह्रोको अनुभव गर्नुपर्यो ।” भक्तपुर पोस्ट संग अध्यक्ष सुवालले आफ्नो अनुभव सुनाए ।

    भक्तपुर नगरपालिका वडा नम्बर ६ चोंछें घर भएका सुवालको परिवारमा पनि कोरोना भाइरस संक्रमण सरेको पाइएको छ । उनले आफना कारण आफ्नो ७६ वर्षीय बुबा र १३ वर्षीय छोरामा संक्रमण पुष्टि भएको भन्दै दुख व्यक्त गरेका छन् । कन्ट्याक्ट ट्रेसिंग गरी कोरोना परीक्षण गर्दा उनका बुबा र छोरामा कोरोना पाेजेटिभ पुष्टि भएपछि उनीहरु भक्तपुर अस्पतालको आइसोलेसनमा भर्ना भएका छन् । अध्यक्ष सुवाल डिस्चार्ज भएकै दिन उनका बुबा र छोरा अस्पताल भर्ना भएका हुन् । अस्पतालले हजुरबुबा र नातीलाई एउटै कोठामा राखी उपचार गरिरहेको मेसु डा सुमित्रा गाैतमले जानकारी गराइन् ।

    अध्यक्ष सुवाल भक्तपुर अस्पताललाई कोभिड विशेष अस्पताल बनाउने देखि दुधपाटी र खरीपाटीमा अस्पतालको आइसोलेसन सेन्टर संचालन र व्यवस्थापनको लागि अहोरात्र खटेका थिए । उनकै पहलमा बागमती प्रदेश सरकारले भक्तपुर अस्पताललाई सघन उपचार कक्ष(आइसीयु) संचालनमा सहयोग गरेपछि स्थापनाको एक शताब्दीपछि भक्तपुर अस्पताल आइसीयुयुक्त भएको छ । सोहीक्रममा उनमा संक्रमण पुष्टि भएको थियो । उनी संक्रमण मुक्त भएकै दिन कन्ट्याक्ट ट्रेसिंगको रिपोर्टमा उनका ७६ वर्षीय बुबा र १३ वर्षीय छोरामा संक्रमण पुष्टि भएको छ । यसले स्वास्थ्य क्षेत्रमा काम गर्नेहरु उच्च जोखिममा रहेको देखाएको छ । यस अघि पनि चोछेंमै सुवालको छिमेकी रहेका भक्तपुर अस्पतालमा काम गर्ने नर्सका परिवार र सिद्धिस्मृतीमा काम गर्ने एक रेडियोग्राफरको पुरै परिवार कोरोना संक्रमित भएका थिए ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...