News Portal

  • सिडिओ पाण्डे र मेयर प्रजापतिको पहलमा १०८ रोपनीमा पार्किङ

    हिना सुवाल / भक्तपुरपोस्ट भक्तपुर, ११ असाेज
    २५७७ पटक
    भक्तपुर, ११ असाेज

    भक्तपुर नगरपालिका वडा नम्बर १ नपली स्थित यातायात व्यवस्था सेवा कार्यालयका सेवाग्राहीहरुका लागि छुट्टै पार्किङ्ग स्थलको पहिचान गरिएको छ । १०८ रोपनी चौरसंगै रहेको कार्यालयमा आउने सेवाग्राहीका लागि उक्त चौरलाई नै पार्किङ्ग स्थल कायम गरिएको हो ।

    दैनिक करिब ७/८ सयको हाराहारीमा आउने सेवाग्राहीका सवारीसाधन अव्यवस्थित रुपमा सडकमै पार्किङ्ग हुँदा स्थानीयवासीलाई असुविधा हुँदै आएको थियो । वर्षौदेखि नपलीमा रहेको कार्यालयले छुट्टै पार्किंग स्थल कायम गर्न नसक्दा स्थानीय मानिसहरु आफ्नै घरमा जान आउन पनि निकै समस्या ब्यहोर्नुपर्थ्यो ।

    निकै दिक्क भएपछि पछिल्लो समय स्थानीयको एक प्रतिनिधि मण्डलले यातायात व्यवस्था सेवा कार्यालय पुगी आफ्नो असुविधाबारे अवगत गराएको थियो । नपलीका स्थानीयसमेत रहेका गायक एवं सामाजिक अभियन्ता कपिल कस्पालको अग्रसरता एवं जनप्रतिनिधि सूर्यप्रसाद श्रेष्ठको नेतृत्वमा रहेको उक्त टोलीले पार्किङ्ग समस्या तत्काल समाधान गर्न आग्रह गरेको थियो । उक्त टोलीमा प्राज्ञ नन्दु उप्रेती, संजना प्रेमी लगायत १ दर्जन स्थानीय उपस्थित रहेका थिए ।

    यस विषयमा भक्तपुर पोस्टले प्राथमिकताका साथ समाचार प्रकाशन गरेको थियो । यातायात व्यवस्था सेवा कार्यालयका प्रमुख बिमल भट्टराइले आफूले यथासक्य चाडो समस्या समाधान गर्ने बताएका थिए । ”हामी सिडिओ साब र नगरपालिकासंग आवश्यक समन्वय गरी यथासक्य चाडो समस्या समाधान गर्न प्रतिवद्ध छौं ।” भक्तपुर पोस्ट मार्फत प्रमुख भट्टराइले प्रतिवद्धता प्रकट गरेका थिए ।

    यस सम्बन्धमा भक्तपुरको प्रमुख जिल्ला अधिकारी हुमकला पाण्डेले सरकारी कार्यालय जनताको सास्तीका लागि नभई सेवाका लागि भएको भन्दै नपलीका स्थानीयको गुनासो सम्बोधन गरिने ग्यारेन्टी गरेकी थिइन् । ”हामी छिट्टै पार्किङ्ग स्थलको पहिचान गरी दीर्घकालीन समाधानको उपाय दिन्छौं ।” भक्तपुर पोस्टसंग उनले भनेकी थिइन् ।

    प्रतिवद्धता बमोजिम नपलीस्थित यातायात व्यवस्था सेवा कार्यालयमा सेवा लिन आउने सेवाग्राहीलाई कार्यालय संगै रहेको नेपाल ट्रस्टको स्वामित्वमा रहेको चौरमा सवारी साधन पार्किङ्ग गर्ने व्यवस्था मिलाइएको छ । यो चौरको संरक्षण भने भक्तपुर नगरपालिकाले गर्दै आएको छ । नगरपालिकाले आफ्नै बजेटबाट करिब १ करोड खर्च गरी चौरलाई पर्खालले घेरेको छ ।

    भक्तपुरकी सिडिओ हुमकला पाण्डेले ट्रस्ट र नगरपालिकासंग समन्वय गरी पार्किंगको लागि उक्त चौर उपयोग गर्न सफल भएकी हुन् । ट्रस्ट र भक्तपुर नगरपालिकाबीच सुमधुर सम्वन्ध बन्न नसकेको भएपनि सार्वजनिक हितका लागि दुवै निकाय पार्किङ्ग स्थलको रुपमा यसलाई प्रयोग गर्न दिन सहमत भएका छन् । सिडिओ हुमकला पाण्डे र भक्तपुर नगरपालिकाका प्रमुख सुनिल प्रजापतिको पहलमा पार्किङ्ग स्थल पहिचान भएको हो । यसले उक्त क्षेत्रको पार्किङकाे समस्या दीर्घकालीन रुपले हल भएको भन्दै स्थानीयले सन्तोष व्यक्त गरेका छन् ।

    पार्किङ्ग गर्ने सवारीधनीले सेवा लिने अवधीभर पार्किङ्ग गरे वापत रु १० शुल्क बुझाउनुपर्ने र सो शुल्क भक्तपुर नगरपालिकाको राजस्वमा जाने व्यवस्था मिलाइएको वडाध्यक्ष श्यामकृष्ण खत्रीले बताए । सवारी साधनको रेखदेख र सुरक्षाको लागि नगरपालिकाले आफ्ना २ कर्मचारी समेत पार्किङ्ग स्थलमा परिचालन गरेको देखिन्छ । पार्किङ्ग स्थल पाएपछी स्थानीय मात्र होइन, सेवाग्राही समेत खुशी भएका छन् । ”बाटोमा सवारी राख्दा अर्काले स्क्राच गरिदिने अथवा चोरी होला भन्ने डर हुन्थ्यो, अहिले ढुक्क भएर सेवा लिन पाइएको छ ।” कोटेश्वरबाट सेवा लिन आएका एक सेवाग्राहीले भने ।

    प्रतिकृया दिनुहोस्

    भक्तपुरले उत्कृष्ट विद्यार्थी, शिक्षक र विद्यालय घोषणा गरी प्रोत्साहन गर्ने

    भक्तपुर नगरपालिकाले उत्कृष्ट विद्यार्थी, शिक्षक र विद्यालय घोषणा गरी प्रोत्साहनको नीति लिएको छ । शिक्षामा...

    हनुमन्ते अस्तव्यस्त,करोडौं फ्रिज गरी सरोकारवाला मस्त भन्दै नेता एवं अभियन्ता रंजित आक्रोशित

    hanumante naresh

    कुनैपनि समाजको सभ्यता त्यसको नदी र खोलानालासंग सम्बन्धित हुन्छ । भक्तपुरको हनुमती(हनुमन्ते) खोलाले पनि यहाँको...

    चाँगुनारायणका पूर्व मेयर मिश्रलाई मातृशोक

    चाँगुनारायण नगरपालिकाका संस्थापक मेयर एवं नेकपा(एमाले) का केन्द्रीय सदस्य सोमप्रसाद मिश्रलाई मातृशोक परेको छ ।...

    सूर्यविनायक नगरपालिकाको आफ्नै सडक संजाल र नगर यातायात हुनुपर्नेमा कांग्रेसको जोड

    नेपाली कांग्रेस सूर्यविनायक नगर समितिले स्थानीय सरकारलाई गम्भीर ध्यानाकर्षण गराएको छ । मंगलवार सो समितिले...

    भक्तपुरे गायक कपिलको स्वरमा काठमाडौं

    भक्तपुर शहरबारे गीत गाइसकेका भक्तपुरे गायक कपिल कस्पालले राजधानी काठमाडौं शहरलाई पनि आफ्नो स्वरमा सजाएका...