भक्तपुर, १२ असोज । पछिल्लो २४ घण्टामा भक्तपुरमा ३६, काठमाडौमा ६४९ र ललितपुरमा १३२ जना कोरोना संक्रमित थपिएका छन् । योसँगै उपत्यकामा आजमात्रै ८१७ जना थपिएको स्वास्थ्य मन्त्रालयले जनाएको छ । त्यसै देशभर भने एक हजार ३ सय ५१ जना नयाँ संक्रमित थपिएका छन् ।
२४ घण्टामा गरिएको १० हजार ८० पीसीआर परीक्षणमध्ये एक हजार तीनसय ५१ जना नयाँ सक्रिय संक्रमित थपिएको स्वास्थ्य मन्त्रालयको कोरोना सम्बन्धी तथ्यांक सार्वजनिक कार्यक्रममा मन्त्रालयका प्रवक्ता डा. जागेश्वर गौतमले जानकारी दिएको हो ।
यस्तै देशभरमा ७४२ जनाले कोरोना जितेर डिस्चार्ज भएका छन् भने हालसममा जम्मा ५४ हजार ६४० जनाले कोरोना जितेका छन् ।
मन्त्रालयका अनुसार देशभर ८ हजार ६९५ जना संस्थागत आइसोलेसनमा बसेका छन् ।
यस्तै, होम आइसोलेसनमा १० हजार ९२९ जना बसेका छन् भने क्वारेन्टाइनमा देशभर ६ हजार ३१० जना बसेका छन्। गत २४ घण्टाको तथ्यांक हेर्दा २२५ जना आईसियूमा बसेका छन् भने, ३१ जना भेन्टिलेटरमा रहेका छन् ।