News Portal

  • पोखरामा प्याराग्लाइडिङको व्यवसायिक उडान सुरु

    ५५६ पटक

    पोखरा, १८ असोज । साहासिक खेल प्याराग्लाडिङको व्यसायिक उडान सुरु भएसँगै पोखरेली नै पोखराको आकाशमा कावा खान थालेका छन् । कोरोना संक्रमण नियन्त्रण गर्न चैत ११ गतेदेखि सरकारले लगाएको लकडाउनसँगै साहासिक खेलका गतिबिधि पनि रोकिएका थिए ।

    लकडाउन खुकुलो भएसँगै असोज ५ गतेदेखि परीक्षण उडान सुरु भइ असोज १५ देखि पोखरामा प्याराग्लाइडिङ खेलको व्यवसायिक उडान सुरु भएको नेपाल हवाई खेलकुद संस्थाका अध्यक्ष कृष्ण भण्डारीले जानकारी दिए । व्यवसायीक उडान सुरु भए पनि उड्न आउने पर्यटक भने छैनन् । साहासिक खेल रुचाउने पोखरेली नै प्याराग्लाइडिङ्मा रमाउन थालेको उनले सुनाए । फाट्टफुट्ट रुपमा काठमाडौंबाट आउने नेपाली पनि प्याराग्लाइडिङमा रमाउने गरेको उनले सुनाए ।

    अहिले सहुलियत रुपमा प्याराग्लाइडिङ उडान भएकोले पनि पोखरेली आर्कर्षीत भएको उनले जानकारी दिए । पहिले ७ हजार ५ सयमा उडान हुनेमा अहिले ५ हजारसम्ममा उडान पाइने भएकोले विस्तारै प्याराग्लाइडिङमा उडेर पोखरा बजार, फेवाताल र हिमालको दृश्यावलोकन गर्न पोखरेली नै आकर्षित भएको उनले बताए ।

    पोखरामा प्याराग्लाइडिङका ६० वटा कम्पनी छन् । सबै कम्पनीमा गरी ३ सय ५० जना प्यारापाइलोटले रोजगार पाएका थिए । कोरोना कहरसँगै फुर्सदिला रहेका प्यारापाइलोटहरु लामो समय अभ्यास गर्न नपाएकोले कोही अभ्यास गर्दै त कोही व्यवसायिक उडान भर्न सुरु गरेका छन् । अहिले दैनिक ५० उडान हुन थालेको अध्यक्ष भण्डारीले बताए । व्यवसायिक उडान भने न्युन नै रहेको उनले सुनाए । पोखरामा पहिले विदेशी प्यारापाइलोटको भरमा चल्ने प्याराग्लाइडिङ अहिले नेपाली प्यारापाइलोटको वर्चश्व रहेको छ । अहिले पनि २÷३ जना विदेशी प्यारापाइलोटले प्याराग्लाइडिङ उडान भरिरहेका छन् । अन्नपूर्ण दैनिकबाट

    प्रतिकृया दिनुहोस्

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...

    सल्लाघारीमा जारी महोत्सवमा दैनिक हजारौको भीड, किनमेल र मनोरन्जन नै मुख्य आकर्षण

    सल्लाघारीस्थित १०८ रोपनी मैदानमा जारी ८ औं भक्तपुर औद्योगिक साँस्कृतिक पर्यटन तथा व्यापार महोत्सव धुमधामका...

    बागमती प्रदेशको महिला चालक उत्पादन कार्यक्रम भक्तपुरबाट शुरु

    बागमती प्रदेशमा महिला लक्षित रोजगार कार्यक्रम अन्तर्गत महिला सवारीचालक उत्पादन प्रक्रिया शुरु गरिएको छ ।...