भक्तपुरपोस्ट संवाददाता
भक्तपुर, १९ असोज । पछिल्लो २४ घण्टामा देशभर २ हजार ४ सय ४० जना संक्रमित थपेका छन् । यससँगै कुल संक्रमितको संख्या ८९ हजार २६३ पुगेको छ ।
स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार हाल सक्रिय संक्रमितको संख्या २३ हजार ५०७ रहेको छ ।
यस्तै पछिल्लो २४ घण्टामा एक हजार १३३ जना डिस्चार्ज भएका छन् । हालसम्म ६५ हजार २०२ जना डिस्चार्ज भएका छन् ।
यस्तै पछिल्लो २४ घण्टामा देशभरका प्रयोगशालाहरुमा १३ हजार ७८१ जनाको पीसीआर परीक्षण गरिएको छ । हालसम्म १० लाख ८८ हजार २२९ जनाको पीसीआर परीक्षण गरिएको छ ।
देशभरका संस्थागत आइसोलेसन ११ हजार १९१ जना र होम आइसोलेसनमा १२ हजार ३१६ जना रहेका छन् भने ४ हजार ३३ जना क्वारेन्टिनमा रहेका छन् । देशभर ४३ जना भेन्टिलेटर र २४४ जनाको आईसीयूमा उपचार भइरहेको छ ।