भक्तपुर, २८ असोजसूर्यविनायकस्थित वीरदल गणमा एक सैनिक जवान मृत अवस्थामा फेला परेका छन् । गएराति उनी मृत अवस्थामा फेला परेका हुन् ।
काठमाडौ घर भएका उनको शव झुन्डिएको अवस्थामा फेला परेको हो । ट्वाइलेट्मा पासो लगाइ झुन्डिएको अवस्थामा शव भेटिएको ब्यारेक श्रोतले जनाएको छ । ब्यारेकमा केकति कारणले जवान झुन्डिन पुगे भन्नेबारे आफन्तले आक्रोश पोखेका छन् । मृतकको शारीरिक तथा मानसिक स्वास्थ्य ठिक रहेको आफन्तको जिकिर छ ।
श्रोतका अनुसार ठूलो असन्तुष्टिका बीच परिवारले भर्खरै शव बुझेको छ । मृतकको शव दुवाकोट्स्थित केएमसी अस्पतालमा मोस्ट्मार्टम गर्दा आत्महत्या ठहर गरिएको थाहा भएको छ । बिस्तृत विवरण सार्वजनिक भएको छैन ।
तस्वीर : साङ्केतिक
अपडेट : वीरदल गणका जवानको ब्यारेकमै ज्यान गएको महानगरीय प्रहरी परिसर भक्तपुरले पुष्टि गरेको छ । मृतक जवान दक्षिणकाली नगरपालिकाका २२ वर्षीय अनुज केसी भएको र प्रारम्भिक अनुसन्धानमा उनले आत्महत्या नै गरेको देखिएको प्रहरीको भनाइ छ । घटनाको थप अनुसन्धान भैरहेको महानगरीय प्रहरी परिसर भक्तपुरले जनाएको छ ।