News Portal

  • प्रधानमन्त्रीद्वारा मन्त्रिपरिषद बिस्तार : बस्नेतलाई मन्त्री बन्न आफ्नै गुटका नेता बाधक

    भक्तपुरपोस्ट संवाददाता भक्तपुर, २८ असोज
    २२८७ पटक
    भक्तपुर, २८ असोज

    प्रधानमन्त्री केपी शर्मा ओलीले मन्त्रीमंडल पुनर्गठन गरेका छन् । केही नयाँ अनुहार भित्राउदै उनले मन्त्रीमंडल पुनर्गठन गरेका हुन् । प्रधानमन्त्रीको सिफारिसमा राष्ट्रपतिद्वारा मन्त्रीपरिषद पुनर्गठन गरिएको राष्ट्रपति कार्यालयले जनाएको हो ।

    पुनर्गठन भएको मन्त्रीमंडलमा केही नयाँ अनुहार भित्रिएका छन् भने केही पुराना मन्त्रीहरुको जिम्मेवारी समेत हेरफेर गरिएको छ । प्रधानमन्त्री ओलीले अर्थमन्त्रीमा विष्णु पौडेल, महिला बालबालिका तथा जेष्ठ नागरिक मन्त्रीमा लीलानाथ श्रेष्ठ र शहरी विकासमन्त्रीमा कृष्णगोपाल श्रेष्ठलाई नियुक्त गरेका छन् ।  प्रधानमन्त्री ओलीले तीनै जना आफु निकट नेताहरुलाई मन्त्री नियुक्त गरेका हुन् । महिला बालबालिकामा रहेका पार्बत गुरुङले  संचार तथा सूचना प्रविधि मन्त्रालय पाएका छन् ।

    प्रधानमन्त्रीले उपप्रधान एवं रक्षा मन्त्री रहेका ईश्वर पोखरेललाई रक्षा मन्त्रालयको जिम्मेवारीबाट हटाएका छन् भने उनलाई प्रधानमन्त्री तथा मन्त्रिपरिषद कार्यालयमा ल्याएका छन् । पोखरेलले सम्हाल्दै आएको रक्षाको जिम्मेवारी प्रम आफैले लिएका छन् ।

    अनेक अड्कलबाजीका बीच प्रम ओलीले अचानक मन्त्रीमंडल बिस्तार गरेसंगै यस अघि मन्त्री बन्ने चर्चामा रहेका नेताहरु चित् परेका छन् । मन्त्रीका बलिया दावेदार मानिएका भक्तपुरका सांसद एवं नेकपा केन्द्रीय सदस्य महेश बस्नेत नयाँ मन्त्री मण्डलमा अटाउन सकेनन् । यद्यपी दशैपछि पुन: मन्त्रीपरिषद पुनर्गठनको सम्भावना रहेको र त्यसमा बस्नेतलाई पार्ने आश्वासन दिइएको बताइन्छ । अब मन्त्री थप गर्नुपर्दा पुरानोलाई हटाउनुको बिकल्प भने छैन । किनभने, संविधान अनुसार पच्चीस जनाको संख्या भन्दा बढी संख्याको मन्त्रीपरिषद बनाउन नपाउने व्यवस्था गरिएको छ । प्रधानमन्त्रीले आफूसंग रहेको रक्षा दिएमा अर्का एक नेता भने अझै अटाउन सक्ने सम्भावना छ ।

    संचार तथा सूचना प्रविधि मन्त्रालयको मन्त्री हुने हल्ला चलेका सांसद बस्नेतको शहरी बिकाशमा भने बलियो सम्भावना रहेको थियो । चुनावमा पराजित हुँदा मन्त्री बन्न सफल केपी ओली गुटका नेता भनेर पनि चिनिने बस्नेतलाई केपी ओली नै प्रधानमन्त्री भएकाे बेलामा भने मन्त्री बन्न उनकै गुटका नेताहरु बाधक बनेको श्रोतको भनाइ छ ।यस अघिको मन्त्रीमण्डल बिस्तारमा पनि भाैतिक पुर्वाधार तथा यातायात र शहरी बिकाशमा बस्नेतले रुची राखेका थिए । भाैतिक पुर्वाधार तथा यातायातमा नेता सुवास नेम्वाङले आफ्नै भाइलाइ ल्याएपछि र  तत्कालिन संचार तथा सूचना प्रविधि मन्त्री गोकुल बास्कोटाले शहरी बिकाश समेत लिएपछि बस्नेत मन्त्री बन्नबाट बन्चित बनेका थिए । यद्यपी, त्यतिबेला उनलाई खेलकुद मन्त्रालयको प्रस्ताव आएको भएपनि जान नचाहेको बस्नेत निकट श्राेतले जनाएकाे थियाे ।

    प्रतिकृया दिनुहोस्

    मध्यपुर थिमिमा जेष्ठ नागरिक र गर्भवतीलाई नि:शुल्क वडागत स्वास्थ्य सेवा शुरु

    भक्तपुरको मध्यपुर थिमि नगरपालिकाले जेष्ठ नागरिक र गर्भवती महिलाहरुको लागि नि:शुल्क वडागत स्वास्थ्य सेवा शुभारम्भ...

    साथीको घरमा युवकको शव फेला

    भक्तपुरको चाँगुनारायण– ४ मा एक युवक मृत फेला परेका छन् । १९ वर्षीय निरोज लामा...

    चाँगुनारायणमा ५० जनालाई झोल साबुन बनाउने तालिम

    प्रमुख प्रतिपक्षी दल नेकपा (माओवादी केन्द्र) को महिला संगठन अनेमसंघ (क्रान्तिकारी)ले चाँगुनारायणमा सिपयुक्त स्वरोजगार गृहिणी...

    भारतमा नेपाली विद्यार्थीमाथि दमन भएको भन्दै भक्तपुरमा बिरोध प्रदर्शन

    भारतको ओडिसा राज्यको राजधानी भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयमा अध्ययनरत एक नेपाली...

    कुकुरलाई हेर्ने दृष्टिकोण बदलौँ !

    “कुकुर” समाजमा हुने अरु प्राणीसरह नै हो । अझ भन्ने हो भने कुकुरको काम अरू...