News Portal

  • नापी कार्यालयका प्रमुख बिष्टको बिदाइ : नागरिक समाज भक्तपुरद्वारा प्रशंसा पत्र प्रदान

    राजेशमान मानन्धर / भक्तपुर पोस्ट भक्तपुर, ३ कात्तिक
    ४०६२ पटक
    भक्तपुर, ३ कात्तिक

    नापी कार्यालय भक्तपुरका कार्यालय प्रमुख ज्ञानेन्द्र कुमार बिष्टको बिदाइ भएको छ । नापी बिभागमा सरुवा भएपछि आइतवार उनको बिदाइ भएको हो ।

    सामान्यतया नापी र मालपोत कार्यालयका कर्मचारीप्रति सर्वसाधारणको सकारात्मक धारणा बन्न नसकिरहेको परिपेक्षमा कार्यालय प्रमुख बिष्टले भने भक्तपुरमा सकारात्मक प्रभाव पार्न सफल भएका देखिएको छ । कार्यालयले राखेको बिदाइ कार्यक्रममा कार्यालय प्रमुख बिष्टले नापी कार्यालय भक्तपुरमा गरेको राम्रो कामको स्मरण गर्दै नागरिक समाज भक्तपुरले उनलाई सम्मानित समेत गरेको छ ।

    आइतवार भक्तपुर नागरिक समाजले बिष्टलाई प्रशंसा पत्र र मायाको चिनो दिंदै बिदाइ गरेको हो । जेष्ठ नागरिक र अपाङ्गता भएका सेवाग्राहीहरुलाई बिश्राम कक्ष बनाइ सोहीस्थान बाट सेवा दिने कार्यको शुभारम्भ गरे वापत बिष्ट प्रशंसाको पात्र भएका समाजका अध्यक्ष प्राडा उत्तमकृष्ण कर्माचार्यले बताए ।

    ”जेष्ठ नागरिक तथा शारीरिक रुपले अशक्त सेवाग्राहीका लागि बिश्राम कक्षको स्थापना गरी सेवा भावले सेवा गर्नुका साथै कार्याल बाट प्रवाह गरिने सेवा पारदर्शी, सहज एवं प्रविधिमैत्री बनाउन पुर्याउनुभएको योगदानको कदर गर्दै यो प्रशंसा पत्र प्रदान गरिएको छ ।” बिष्टले पाएको प्रशंसा पत्रमा भनिएको छ ।

    बिष्टले बिबाद रहित भएर आफ्नो कार्यकाल पूरा गरेका हुन् । उनले कार्यालयमा बिचौलियालाई प्रवेशमा कडाइ गरेका थिए भने विद्युतीय टोकन प्रणाली जडान गरी पालोप्रणालीलाइ प्राथमिकतापूर्वक अघि बढाएका थिए । कार्यालयका धेरै कामलाई डीजिटळाईज्ड गरेका बिष्टले कार्यालयमा बैकल्पिक उर्जासमेत जडान गरेका थिए ।

    जनप्रतिनिधि, जिल्ला प्रशासन कार्यालय र स्थानीय सरकारसंग राम्रो समन्वय गर्न सफल बिष्ट सृजनशील स्वभावका जनमैत्री कार्यालय प्रमुखका रुपमा भक्तपुरमा परिचय बनाउन सफल भएका थिए । बिष्टको नापी बिभागमा सरुवा भएसंगै उनको ठाउँमा चितवनबाट मग्नु दत्त सरुवा भई आएका छन् । आइतवार कार्यालयले दत्तको स्वागत कार्यक्रम समेत सम्पन्न गरेको छ ।

     

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...