News Portal

  • वीरदल गणका गणपती पौडेलकाे बिदाई, गणपती दाहाल र अनुसन्धानका पाण्डेलाई स्वागत

    भक्तपुरपोस्ट संवाददाता भक्तपुर, ६ कात्तिक
    ८६९ पटक
    भक्तपुर, ६ कात्तिक

    नेपाली सेनाको सूर्यविनायकस्थित वीरदल गणका गणपती रहेका प्रमुख सेनानी शिवप्रसाद पौडेललाई बिदाई गरिएको छ । भद्रकालीस्थित जंगी अड्डामा सरुवा भएका प्रमुख सेनानी पौडेललाई प्रमुख जिल्ला अधिकारी हुमकला पाण्डेले बिहीबार बिदाई गरेकी हुन् ।

    प्रजिअ पाण्डेले कोभिड रोकथाम र नियन्त्रणको लागि प्रमुख सेनानी पौडेलले गरेको प्रयास र पुर्याएको योगदानको प्रशंसा गर्दै पौडेलले आफ्नो कामबाट आफू सक्षम कमान्डर भएको पुष्टि गरेका बताइन् । प्रमुख सेनानी पौडेल यस वर्ष राष्ट्रपतिद्वारा प्रदान गरिने सुप्रवल जनसेवा श्री चतुर्थका लागि घाेषणा भएकोमा खुशी व्यक्त गर्दै प्रजिअ पाण्डेले पौडेलले नयाँ जिम्मेवारी पनि कुशलतापूर्वक सम्पादन गर्ने विश्वास व्यक्त गरिन् । उनले पौडेललाई भक्तपुरमा पुर्याएकाे याेगदानका लागि कदरपत्र पनि प्रदान गरेकी छन् ।

    बिदाई कार्यक्रममा प्रमुख सेनानी पौडेलले प्रजिअ पाण्डेको नेतृत्वमा भक्तपुरमा काम गर्न पाएकोमा खुशी व्यक्त गरेका थिए । उक्त अवसरमा पौडेलको ठाउँमा सरुवा भई आएका प्रमुख सेनानी राजन दाहाललाई स्वागत समेत गरिएको थियो । दाहाललाई स्वागत गर्दै प्रजिअ पाण्डेले उनको कार्यकाल थप जनपक्षीय र स्मरणीय हुने अपेक्षा गर्दै सफल कार्यकालको शुभकामना दिइन् ।  त्यसैगरी प्रमुख सेनानीको बिदाई र स्वागत कार्यक्रमकै अवसर पारेर राष्ट्रिय अनुसन्धान विभागका भक्तपुर प्रमुख भएर आएका उप अनुसन्धान निर्देशक विकाश पाण्डेलाई पनि स्वागत गरिएको थियो ।

    जिल्ला प्रशासन कार्यालयमा सम्पन्न बिदाई एवं स्वागत कार्यक्रममा महानगरीय प्रहरी परिसरकी एसपी तारादेवी थापा, सशस्त्र प्रहरीका एसपी उद्धवबहादुर न्यौपाने लगायत सहभागी भएका थिए ।

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...