भक्तपुरपोस्ट संवाददाता भक्तपुर, ७ कात्तिक
भक्तपुर, ७ कात्तिक सूर्यविनायक ५ घलातेमा बिहीवार राती पौने ८ बजे सडक दुर्घटनामा परि घाइते भएका मोटरसाइकल चालकको ज्यान गएको छ । जगातीबाट सल्लाघारी तर्फ आउदै गर्दा उनले चलाएको मोटरसाइकल आफैं अनियन्त्रित भै दुर्घटना भएको थियो ।
बा ६५ प ८८२९ नं को मोटरसाइकल आफै अनियन्त्रित भई सडकको बिचमा रहेको ट्राफिक आईल्याण्डमा ठक्कर खाई दुर्घटना हुँदा चालक रौतहट बिजयपुर ८ लक्ष्मिनिया बस्ने ३० वर्षीय शंकर प्रसाद कलवारले ज्यान गुमाएका डिएसपी दिपक गिरीले जनाएका छन् ।
डिएसपी गिरीका अनुसार गम्भिर घाइते भई उपचारको लागि डा.ईवामुरा अस्पताल सल्लाघारी पुर्याइएका कलवारलाइ राति नै अन्नपुर्ण न्युरो अस्पताल काठमाण्डौ रिफर गरिएको थियो । अस्पतालले शुक्रवार साँझ उनलाई मृत घोषित गरिदिएको बताइएको छ । घटनाको थप अनुसन्धान कार्य भईरहेको प्रहरीको भनाइ छ ।