भक्तपुर, ७ कात्तिक कोभिड १९ को बिश्वब्यापी महामारीकाबीच दशैँ मनाइरहदा शुक्रवार एक मर्मस्पर्सी गीतको म्युजिक भिडिओ सार्वजनिक भएको छ । नव विवाहित दम्पतीको पहिलो दशैमा कोभिडको कहरले दिएको पिडा ह्दयाबिदारक ढंगले म्युजिक भिडिओमा प्रस्तुत गरिएको छ ।
आसुसेन फिल्म्सले आफ्नो युट्य़ुब च्यानल मार्फत यस हेर्नुपर्ने गीत निदाउँकी सपनीमा …शुक्रवार सार्वजनिक गरेको हो । सुगम पोखरेल र कविता श्रेष्ठको सुमधुर स्वरमा सजिएको गीतको म्युजिक भिडिओमा मनिस राउत र रेश्मा घिमिरेले सशक्त अभिनय गरेका छन् । हेर्दाहेर्दै आशुँ खसेको थाहा नै नहुने जीवन्त दृश्यहरु हेर्दा दर्शकहरु अभिनय हेर्दैछु भन्ने भुलेर राउत र रेश्मासंगै कोभिडको पिडा महसुस गर्न पुग्छन । नवनायक मनिष राउत भक्तपुरको सूर्यविनायक नगरपालिका वडा नम्बर ६ गुण्डूका हुन् । उनले नेपाली कथानक चलचित्र ‘प्रेम गीत ३’ मा अभिनय गरिसकेका छन् भने अहिले चलेकी साम्राज्ञी राज्य लक्ष्मी शाह र आना शर्मा संग स्क्रिन सेयर गर्नेगरी नयाँ फिल्ममा पनि मूख्य भूमिकाका लागि अनुबन्धित भएका छन् ।
राउत र रेश्मालाइ लिएर यस म्युजिक भिडिओलाई सन्तोष सेनले निर्देशन गरेका हुन् । कोभिड रोकथाम र नियन्त्रणका लागि अग्रपङ्तीमा रही सेवारत स्वास्थ्यकर्मी, सुरक्षाकर्मी लगायतका एशाकर्मीलाई यो सृजना समर्पित गरिएको निर्देशक सेनले बताएका छन् । गीतको रचना राजेशकुमार श्रेष्ठले गरेका हुन् भने शैलेंद्रमान प्रधानले एरेन्ज गरेका र एलिस कार्कीले संगीत भरेका छन् ।
हेर्नुस् भिडियाे