News Portal

  • अभियन्ता भनिएका यादवलाल कायस्थ र उनको समूहलाई भक्तपुरमा निषेध

    हिना सुवाल / भक्तपुरपोस्ट भक्तपुर, १८ कात्तिक
    १६४१४ पटक
    भक्तपुर, १८ कात्तिक

    नेवा: सम्पदाको संरक्षण अभियन्ता भनिएका यादबलाल कायस्थ र उनको समूहमाथि भक्तपुर नगरपालिका आक्रोशित भएको छ । सम्पदा सरसफाई गर्न भन्दै भक्तपुर आएपछि कायस्थ र उनको समूहमाथि नगरपालिका आक्रोशित भएको हो ।

    अभियन्ता भनिएका काठमाडौं महानगरपालिका १६ का ४० वर्षीय यादवलाल कायस्थ मंगलवार बिहानै आफना साथीहरु सहित भक्तपुर आएका थिए । भक्तपुर नगरपालिका वडा नम्बर २ ब्यासी स्थित कालोपाटी र हिटी(ढुंगेधारा)को सरसफाईमा लागेका उनीहरुको कार्य नजिकै रहेको नगरपालिकाले नदेख्ने कुरै भएन । तर, नगरपालिकाले उक्त कार्य स्वीकार गरेन बरु उल्टै उनीहरुलाई हस्तक्षेप गर्दै सरसफाई नगर्न चेतावनी नै दियो ।

    ”सामान्यतया जनस्तरबाट हुने सरसफाईलाई नगरपालिकाले स्वागत गर्नुपर्ने हो तर यहाँ भने निषेध नै भयो ।” अभियन्ताहरुले असन्तुष्टि पोखेका छन् । भक्तपुर नगरपालिकाले भने अभियन्ताको नाममा जे पनि गर्न नपाइने जिकिर गरेको छ । ‘पूर्खाले सिर्जेको सम्पत्ति, हाम्रो कला र सस्कृति’ भन्ने मूल नारा नै बनाएको भक्तपुर नगरपालिकाले सम्पदा संरक्षणमा ध्यान नदिएको भन्ने कुरा मान्य नहुने भन्दै नगरपालिकाले अभियन्ता भनिएका कायस्थ र उनको समूहलाई उक्त क्षेत्र सरसफाई गर्न निषेध गरेको थाहा भएको छ । ”नियत सफा भएको भए दुई मिनेटको दूरीमा रहेको नगरपालिकासंग समन्वय गरेर पनि काम गर्न सकिन्थ्यो नि ! यो हिरोगिरी भक्तपुरमा चल्दैन ।” उपस्थित कर्मचारीले भने ।

    कायस्थले भने आफूहरु नगरपालिकालाई चुनौती दिन नआएको बताए । भक्तपुर पोस्टसंग कुरा गर्दै उनले भने, ” सामाजिक संजालमा यहाँ ज्यादै फोहोर भएको र एकजना जेष्ठ नागरिक एक्लैले सफा गर्दै गरेको तस्वीर देख्यौँ, त्यहिँ भएर सफा गर्न आएका हौँ । हाम्रो अन्य कुनै उदेश्य होइन ।”

    केहिदिन देखि स्थानीय नारायण भक्त तोयनाले उक्त क्षेत्रमा एक्लै सफाई गरिरहेको तस्वीर सामाजिक संजालमा पोस्ट भएको थियो । सफाई अभियन्ता स्थानीय श्रेना प्रजापतिका अनुसार कालोपाटी र हिटीको सफाई भैरहँदा प्रहरी हस्तक्षेप भएपछि कायस्थ लगायतका अभियन्ता फर्केका थिए । पछि नगरपालिकाका सफाई कर्मचारीहरुले उक्त क्षेत्र सफा गरेका थिए ।

    अभियन्ता भनिएका यादवलाल कायस्थ गत भदौंमा ललितपुरको रातो मच्चिन्द्रनाथको रथ तान्ने पहलकर्ता पनि हुन् । त्यो बेला पुल्चोकमा अभियन्ताहरुको प्रदर्शनमा प्रहरी हस्तक्षेप हुँदा झडप भएको थियो भने प्रहरीले कायस्थसहित १ दर्जन व्यक्तिलाई नियन्त्रणमा लिएर एक साता पछि छोडेको थियो । सोक्रममा ललितपुरमा कर्फ्यु नै लगाउनु परेको थियो ।

    हाम्रो फेसबुक पेज लाइक गर्नुभयो ?

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...