News Portal

  • राज्यमन्त्री दुगडद्वारा भक्तपुर औद्योगिक क्षेत्रको अवलोकन : हाेला त उद्याेग स्थानान्तरण

    भक्तपुरपोस्ट संवाददाता भक्तपुर, २० कात्तिक
    ९३२ पटक
    भक्तपुर, २० कात्तिक

    नेपाल सरकारका उद्योग वाणिज्य तथा आपूर्ती राज्यमन्त्री मोतीलाल दुगडले भक्तपुर औद्योगिक क्षेत्रको स्थलगत अवलोकन गरेका छन् । बुधवार उनीसहितको टोलीले उक्त क्षेत्रको स्थलगत अवलोकन गरेको हो ।

    भक्तपुर नगरपालिका वडा नं. २ स्थित भक्तपुर औद्योगिक क्षेत्रभित्र अवस्थित उद्योगहरुले ध्वनी र धुँवा प्रदूषण गर्ने गरेको र त्यसले स्थानीय बस्तीमा स्वास्थ्य जोखिम बढाएको भन्दै नगरपालिकाले औद्योगिक क्षेत्र स्थानान्तरणको पत्र नै थमाएपछि राज्यमन्त्री दुगड स्थलगत अवलोकनमा आएका हुन् । सांसद प्रेम सुवाल र नगर प्रमुख सुनिल प्रजापति सहितको एक प्रतिनिधि मण्डलले आइतवार सिंहदरवार पुगी राज्यमन्त्री दुगडलाई स्थिति अवगत गराउदै उद्योग स्थानान्तरणको माग गरेका थिए ।

    उक्त प्रतिनिधि मण्डललाई आश्वस्त पार्दै राज्यमन्त्री दुगडले आफूले भक्तपुर औद्योगिक क्षेत्रको स्थलगत अवलोकन गर्ने तथा समस्या पहिचान र समाधान गर्ने प्रतिवद्धता प्रकट गरेका थिए । आफ्नो प्रतिवद्धता अनुरुप राज्यमन्त्री दुगड स्थलगत अवलोकनमा आएका उनको सचिवालयले जानकारी दिएको छ । अनुगमनमा उद्योग राज्यमन्त्री दुगडसंग सांसद प्रेम सुवाल, भक्तपुर नपाका प्रमुख सुनिल प्रजापति, उपप्रमुख रजनी जोशी, प्रजिअ हुमकला पाण्डे, औद्योगिक क्षेत्र व्यवस्थापन कार्यालयका प्रतिनिधि र अगुवा स्थानीयसमेत सहभागी रहेका थिए ।

    राज्यमन्त्रीको अवलोकनको क्रममा स्थानीयले उद्योग स्थानान्तरण हुनुपर्ने भन्दै प्रदर्शन गर्नुका साथै नारावाजी समेत गरेका थिए भने स्थिति बिग्रिन नदिन ब्यापक मात्रामा सुरक्षाकर्मी परिचालन गरिएको थियो ।

    भक्तपुरको औद्योगिक क्षेत्रमा ३ दर्जन जति उद्योगहरु संचालनमा रहेका छन् । पछिल्लो समय यहाँस्थित एक टेक्सटायल उद्योग ”नेपो इण्डस्ट्रिज प्रालि”संग केही स्थानीयको सम्बन्ध बिग्रिएपछि बिबादले उग्र रुप लिएको देखिन्छ । सांसद सुवाल समेत औद्योगिक क्षेत्रकै स्थानीय बासिन्दा हुन् । ‘नेपो इण्डस्ट्रिज प्रालि’ ले मानव स्वास्थ्यमा हानि हुने गरी ध्वनि र धुवा प्रदूषण फैलाउने गरेको भन्ने विवाद बढ्दैजाँदा सांसद र मेयर सहितको टोली सिंहदरवार सम्म पुगेको र त्यसैको परिणाम स्वरुप राज्यमन्त्री दुगड स्थलगत अवलोकनमा आएको थाहा भएको छ । अवलोकनपछि उनले उद्योग स्थान्तरणको माग सम्बोधन गर्ने नगर्ने बारे कुनै स्पष्ट प्रतिक्रिया प्राप्त हुन सकेन ।यद्यपी उनले उद्योगीहरुलाई समुदायसंग सौहार्द वातारण बनाएर काम गर्न र जनप्रतिनिधि र नगरपालिका संग समन्वय गर्न निर्देशन दिएका छन् ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...