News Portal

  • प्रधानमन्त्रीलाई नेमकिपा नेताको कडा चेतावनी : गुट पोस्ने अब जो भएपनि आगोमा झोस्ने

    भक्तपुरपोस्ट संवाददाता भक्तपुर, २० कात्तिक
    १६६० पटक
    भक्तपुर, २० कात्तिक

    सरकारको नेतृत्व गरिरहेका प्रधानमन्त्री केपी शर्मा ओली आफ्नो दल नेपाल कम्युनिष्ट पार्टी (नेकपा)को अध्यक्ष भएपनि गुटगत राजनीतिको शिकार भएको आरोप लागिरहेको अवस्थामा उनीप्रति उनका दलका नेता कार्यकर्ता मात्र होइन, अन्य राजनीतिज्ञ एवं राजनीतिप्रति चासो राख्नेहरु समेत असन्तुष्ट देखिएका छन् ।

    यसैबीच, नेपाल मजदुर किसान पार्टी(नेमकिपा)का केन्द्रीय सदस्य समेत रहेका बागमती प्रदेशमा निर्वाचित सांसद सुरेन्द्रराज गोसाईले ओली प्रवित्तिमाथि आलोचना गरेका छन् । सांसद गोसाईले देश बर्बाद पारेर गुट पोस्ने अब जो भएपनि आगोमा झोस्ने बेला भएको बिचार सार्वजनिक गरेका हुन् ।

    बिहीवार उनले सामाजिक संजालमार्फत प्रम ओलीलाई गुटगत राजनीति रोक्न चेतावनी समेत दिएका छन् । देशकाे सर्वाेच्च पदमा रहेर पनि गुट्गत राजनीतिमा रमाएका  प्रम ओलीप्रति आक्रोशपूर्ण अभिव्यक्ति दिएका सांसद गोसाइले देशै नरहे तिम्रो गुट कहाँ रहला र? भन्दै प्रम अेालीलाई प्रश्नसमेत गरेका छन् ।

    बहुमत पाएर पनि परिणाम दिन नसकेको आरोप लगाउदै उनले कुरामा नभई काममा ध्यान दिन प्रधानमन्त्रीलाइ सचेत समेत गराए । बहुमत परिवर्तन र परिणाम देखाउनका निम्ति भएको तर पोलपोलमा ‘नयाँ युग’ आउने सपना झुन्ड्याए जस्तो सहज नभएको उनको भनाइ छ ।

    परिणाम दिन नसक्ने प्रधानमन्त्रीले दिनुपर्ने राजिनामा नै भएको जिकिर गर्दै उनले  काम पनि नगर्ने र राजिनामा पनि नगर्ने हो भने घोक्रेठ्याक लगाएर ओलीलाई प्रधानमन्त्री पदबाट पदच्युत गर्नुपर्ने धारणा व्यक्त गरे । सामाजिक संजालमा सांसद गोसाईले लेखेका छन् ” राजिनामा नदिने भए खुरु खुरु काम गर र परिणाम देखाऊ ! केही केही पनि नभए राजिनामा होइन घोक्रोठ्याक गर्ने हो ।” पछिल्लो समय प्रम ओलीकाे आफूले राजिनामा गरे देशै नरहने अथवा आकाशै खस्ने जस्तो अभिव्यक्तिप्रति आक्रोश व्यक्त गर्दै सांसद गोसाईले प्रधानमन्त्रीलाइ गुटको राजनीतिको शिकार देशलाई नबनाउन चेतावनी दिएका देखिन्छ ।

    हेर्नुस उनले अभिव्यक्त गरेका बिचार

     

    प्रतिकृया दिनुहोस्

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...

    लेखक खाइजूको भोगाइमा आधारित यमलोक यात्रा सार्वजनिक

    लेखक श्रीराम खाइजूको सातौं कृति  सार्वजनिक भएको छ ।  खाइजूको आफ्नै जीवन संस्मरण समेटिएको पुस्तक...

    सडकमा उत्रियो गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    सार्वजनिक स्थल सफाइमा सक्रिय हुँदै गठ्ठाघरको नवदुर्गा महिला समुह

    सरसफाइ केन्द्रीत अभियान चलाइरहेको राष्ट्रको लागि दुई घण्टा अभियान लोकप्रिय बन्दै जाँदा भक्तपुरमा सरसफाइ अभियानकै...

    शासक दलहरु मन्त्री पदकै निम्ति हानाथाप गरिरहेका छन् : गोसाई

    नेपाल मजदुर किसान पार्टीका केन्द्रीय सदस्य एवं वागमती प्रदेश सभाका सदस्य सुरेन्द्रराज गोसाईले शासक दलहरु...