भक्तपुर, ५ पुसभक्तपुरको चाँगुनारायण नगरपालिका वडा नं. ५ मा पहिरोमा पुरिएर १ जनाको मृत्यु भएको छ भने २ घाइते भएका छन् । आज आइतवार दिउसो बाटो निर्माणको क्रममा पहिरो खस्दा मानवीय क्षती भएको हो ।
माथिल्लो मगरचोक देखी बरदानेश्वर महादेव सम्म जाने बाटो निर्माण गर्ने क्रममा अचानक माथिबाट पहिरो खस्न गई त्यही बाटोमा काम गर्ने सिन्धुपाल्चोक लिशंखुपाखर गाँउपालिका वडा नं. ४ घर भई हाल चाँगुनारायण ५ छाँयाबस्ती बस्ने वर्ष ३५ को निमा योञ्जनको निधन भएको प्रहरीले पुष्टि गरेको छ ।डिएसपी दिपक गिरीले दिएको जानकारी अनुसार अन्दाजी साढे २ बजे पहिरोमा परी गम्भीर घाइते योञ्जनको भक्तपुर अस्पतालमा उपचारको क्रममा करिब साढे ३ बजे ज्यान गएको हो ।
पहिरोमा परेर गम्भीर घाइते भएका रामेछाप सुनापाती गाँउपालिका घर भई हाल जिल्ला भक्तपुर चाँगुनारायण नगरपालिका वडा नं. ५ छाँयाबस्ती बस्ने बर्ष ५० को भुपालसिंह घिसिङ लाई थप उपचारका लागी टिचिङ अस्पताल पुर्याइएको छ भने बर्ष ४४ को प्रेम लामा डिस्चार्ज भैसकेका प्रहरीको भनाइ छ । घटनाको थप अनुसन्धान भैरहेको बताइएको छ ।