भक्तपुर, २१ पुसमंगलवार दिउसो करिब ३:३० बजेको समयमा सडक दुर्घटनामा परी दधिकोट निवासी नरहरि न्यौपानेको ज्यान गएको छ ।
मध्यपुर ठिमी न.पा. वडा नं. ३ गठ्ठाघर स्थित उकालोमा भक्तपुरबाट काठमाण्डौ तर्फ जाँदै गरेको लु. २ ख. ६७८ नं. को एल.पि.ट्रकको पछाडीको भागले सोही दिशा तर्फ जादै गरेको बा. ८२ प. ९७३७ नं. को स्कुटीलाई ठक्कर दिदा न्यौपानेको ज्यान गएको हो । ठक्करबाट सडकमा लडी सोही ट्रकको पछाडी पट्टिकोको चक्कामा पर्न गई स्कुटी चालक न्यौपानेको ज्यान गएको डिएसपी दिपक गिरीले जानकारी दिएका हुन् । अनन्तलिङ्गेश्वर प्रा.वि. का पूर्व प्रधानाध्यापक न्याैपाने नेकपा दधिकोटका नेता समेत हुन् ।
सूर्यविनायक न.पा. वडा नं. ४ दधिकोट बस्ने बर्ष ५८ को नरहरी न्यौपानेलाई उपचारको लागि नागरीक अस्पतालमा पठाइएकोमा उपचारकै क्रममा सबा ४ बजेको समयमा चिकित्सकले मृत्यु घोषणा गरेको बताइएको छ । घटनास्थलको प्रारम्भिक अनुसन्धान कार्य गरी दुबै सवारी साधन र एल.पि. ट्रक चालक जिल्ला रुपन्देही सियारी गा.पा.२ बस्ने बर्ष ४० को ओम प्रकाश चमारलाई महानगरीय प्रहरी बृत ठिमी भक्तपुरमा राखी अनुसन्धान कार्य भईरहेको प्रहरीको भनाइ छ ।