नेपाल पत्रकार महासंघ, जिल्ला शाखा भक्तपुरले आफ्नो स्थापनाको २४ औं वार्षिकोत्सव कार्यक्रम सम्पन्न गरेको छ । सल्लाघारीस्थित कार्यालयमा शुभकामना आदान प्रदान गरी कार्यक्रम सम्पन्न गरिएको हो ।

जिल्ला अध्यक्ष पुस्करराज बुढाथोकीको अध्यक्षता एवं नेपाल पत्रकार महासंघका केन्द्रीय उपाध्यक्ष दिलिप कुमार थापामगरको प्रमुख आतिथ्यता सम्पन्न कार्यक्रममा केक काटिएको कार्यसमितिका ससचिव किरण बुढाथोकीले बताए । उक्त अवसरमा जिल्लाका सस्थापक अध्यक्ष लगायत पूर्व अध्यक्षहरु समेत उपस्थित रहेका थिए ।

कार्यक्रममा कार्यसमितिका पदाधिकारीका साथै प्रेस युनियन र प्रेस संगठनका प्रतिनिधिहरुकाे समेत सहभागीता रहेकाे थियाे । उक्त अवसरमा सहभागीहरुले शुभकामना आदान प्रदान गर्नुका साथै भक्तपुरमा पत्रकारिताको बिकासका लागि एकढिक्का भएर अघि बढ्ने प्रतिवद्धता प्रकट गरेका थिए ।