मध्यपुर थिमि, २९ पुसमध्यपुर थिमिस्थित सिद्धिकाली सिलाई प्रशिक्षण केन्द्रको आयोजनामा सिलाई प्रशिक्षार्थीहरुलाई प्रमाण पत्र वितरण गरिएको छ । प्रशिक्षणमा सहभागी ४० जना प्रशिक्षार्थी महिलाहरुलाई प्रमाण पत्र वितरण गरिएको हाे ।
केन्द्रकी अध्यक्ष सुष्मा श्रेष्ठको सभापतित्वमा भएको उक्त कार्यक्रममा मध्यपुर थिमि नगरपालिकाका उपप्रमुख अञ्जनादेवी मधिकर्मी र पूर्व मेयर मदनकुष्ण श्रेष्ठ लगायत अतिथिकाे रुपमा उपस्थित रहेका थिए । सीपले महिलाहरुलाइ राेजगार र आत्मनिर्भर बनाउने भन्दै उनीहरुले सिद्धिकाली सिलाई प्रशिक्षण केन्द्रलाइ धन्यवाद दिनुका साथै प्रशिक्षार्थीहरुलाई प्रमाण पत्र हस्तान्तरण गरेका थिए ।
विगत तिन महिनादेखि मध्यपुर थिमिका महिलाहरुलाई तह १ र २ काे सिलाई प्रशिक्षण दिइएको थियो । तह १ मा गंगा अवाल र २ मा तुल्सीकृष्ण श्रेष्ठ र सुष्मा श्रेष्ठ प्रशिक्षक रहेका थिए ।
कार्यक्रममा प्रशिक्षक तुल्सीकृष्ण श्रेष्ठ, गैारी इन्टरनेशनल टेक्निकल ऐकेडेमी प्रा.लि.का अध्यक्ष राजेन्द्र राउत, मध्यपुर थिमि नपा वडा नं. ४ का वडाध्यक्ष कुमार श्रेष्ठले समेत मन्तव्य दिएका थिए ।
कार्यक्रममा सांगितिक प्रस्तुती रहनुका साथै प्रशिक्षार्थीहरुले सिलाएका पोशाकहरु पनि प्रदर्शनीमा राखिएको थियो ।
