सतारुढ़ नेपाल कम्युनिष्ट पार्टी (नेकपा) का प्रधानमन्त्री केपी शर्मा ओलीले गरेको प्रतिनिधिसभा विघटनको कदम विरुद्ध संघर्षरत नेपाल कम्युनिष्ट पार्टी (नेकपा) का नेता कार्यकर्ता प्रतिरोधमा उत्रिएका छन् ।

अध्यक्षद्वय प्रचण्ड र माधव नेपाल त्यसैगरी वरिष्ठ नेता झलनाथ खनाल, प्रवक्ता नारायणकाजी श्रेष्ठ लगायतका नेताको सहभागितामा विशाल र्याली पछि जनसभा आयोजना गरिएको थियो ।                                                                         

काठमाडौंको भृकुटिमण्डप, भद्रकाली र रत्नपार्क क्षेत्रका सडकलाई समेट्नेगरि टुंडिखेलको आडमा मञ्च तयार पारेको नेकपाले प्रदर्शनी मार्ग, भद्रकाली र रन्तपार्क सम्मको सडकमा बस्न मिल्ने व्यवस्था गरेको थियो ।  काठमाडौंसहित बागमती प्रदेशका विभिन्न जिल्लाबाट विरोधसभामा सहभागि हुने गाडीहरुबाट आउने व्यवस्था नेकपा केन्द्रीय र्सघर्ष समितिले मिलाएको थियो । सरकारले चालेको कदमबा विरुद्ध सर्बोच्च अदालतको संवैधानिक ईजलासमा मुद्धामाथि बहस भईरहेका बेला नेकपाले दोश्रो चरणको आन्दोलनको उत्कर्षको रुपमा यो प्रदर्शन गरेको हो ।  प्रदर्शनकारीको भिडले प्रदर्शनस्थल खचाखच भरिएको थियो ।                                                 

शुक्रवार राजधानीमा हजारौं समर्थकलाई सम्बोधनका क्रममा अध्यक्ष प्रचण्डले भने, ‘यो देशमा फेरि युद्ध होस, फेरि हिंसा होस, फेरि अराजकता होस, फेरि आन्दोलन गर्ने परिस्थिति बनोस् भन्ने कसैले पनि चाहेको छैन।’

उनले संविधान अनुसार अदालतले ओलीको ‘असंवैधानिक कदमलाई’ खारेज गरेर देशमा शान्तिको वातावरण कायम राख्नेमा विश्वास व्यक्त गरेका छन् ।”कसैले पनि देशलाई बरबाद हुने दिशामा नलगौं।’ उनले भने ।

प्रधानमन्त्री ओलीले महाराज बन्ने‘मिसन’ बोकेको तर आफूले जुनसुकै ढङ्गले भए पनि उनका ‘षडयन्त्रका सेटिङ्’ भत्काउने उनले दावी गरे ।

नेकपाका अर्का अध्यक्ष माधवकुमार नेपालले शुक्रवारको प्रदर्शनलाइ जनआन्दोलनको कास्टिङ्ग भनेका छन् । प्रदर्शनले जनआन्दोलनको झल्को दिएको भन्दै उनले तर यो कास्टिङ मात्र भएको र ‘फिल्म सुरु हुन बाँकी नै रहेको बताए ।

प्रधानमन्त्री ओलीको कम्युनिस्ट चरित्र क्षयीकरण हुँदै गरेको भन्दै अध्यक्ष नेपालले नेकपाले ओलीलाई साधारण सदस्य समेत नरहने गरी अनुशासनमा कारबाही गरेको जिकिर गरे ।