News Portal

  • तजटोलमा फल्चा तथा बहुउपयाेगी सामुदायिक भवनको शिलान्यास

    बाबुराम दाहाल / भक्तपुर पोस्ट भक्तपुर, १० माघ
    १२५९ पटक
    भक्तपुर, १० माघ

    सूर्यविनायक नगरपालिका वडा नम्बर ५ स्थित जस्तिक तजटोलमा फल्चा(पाटी) तथा सामुदायिक भवन निर्माण हुने भएको छ । शनिवार उक्त फल्चा तथा सामुदायिक भवनको शिलान्यास सम्पन्न भएको हो ।

    २०७२ सालको महाभूकम्पका कारण पूर्ण क्षती भएको पुरानो ऐतिहासिक पाटी सरकारको उदासिनताका कारण पुननिर्माण हुन नसकेपछि स्थानीयको अग्रसरतामा ५ वर्षपछि शिलान्यास भएको छ । पाटीको शिलापत्र, कलात्मक पुरातात्विक काठपात लगायतका धरोहर हराउने क्रम बढेसंगै पाटी निर्माणका स्थानीय आफै अग्रसर बनेका हुन् ।

    जस्तिक तलटोल विकास संस्थाले उक्त पाटी निर्माणको पहलकदमी लिएको हो । हनुमती खोला नजिकको सार्वजनिक जग्गाको संरक्षण र स्थानीय सुविधाका लागि पाटी तथा सामुदायिक भवनको निर्माण योजना अघि सारिएको संस्थाका अध्यक्ष जीवन तज(दिलकृष्ण) ले जानकारी दिए ।

    आन्दोलनरत नेपाल कम्युनिष्ट पार्टी(नेकपा)का नेता समेत रहेका तजका अनुसार शिलान्यास भएको सामुदायिक भवन ३ तले निर्माण गरिने लक्ष रहेको छ । उक्त भवनमा क्रियापुत्रीका लागि छुट्टै कोठा, सानोतिनो भोजभतेरका लागि पर्याप्त ठाउँ र सभाहल समेत व्यवस्था हुने उनले बताए । अध्यक्ष तजका अनुसार करिब ७० लाख लागत अनुमान गरिएको उक्त पाटी तथा सामुदायिक भवन सरकारी सहयाेग, चन्दा संकलन र जनश्रमदानबाट निर्माण सम्पन्न गरिने लक्ष लिइएको छ ।

    शनिवार विहान संस्थाका अध्यक्ष जीवन तज (दिलकृष्ण)को अध्यक्षतामा सम्पन्न शिलान्यास कार्यक्रममा वडाध्यक्ष राजकुमार जोशी प्रमुख अतिथिका रुपमा निम्त्याइएका थिए भने संस्थाका सचिव राजेश तजले कार्यक्रम संचालन गरेका थिए । उक्त अवसरमा स्थानीय उपभोक्ताहरुको उत्साहप्रद सहभागीता रहेको थियो ।

    प्रस्तावित उक्त भवनको शिलान्यास कार्यक्रममा बोल्दै प्रमुख अतिथि एवं वडा नम्बर ५ का वडाध्यक्ष राजकुमार जोशीले वडाले ५ लाख रुपियाँ उपलब्ध गराएको र थप रकम उपलब्ध गराउन आफूले पहल गर्ने प्रतिवद्धता प्रकट गरेका छन् ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...