मध्यपुर थिमि नगरपालिका वडा नं. ६ कुण्डोलस्थित ठाकुर अधिकारीले बनाउदै गरेको घरबाट लड्दा एक मजदुरको ज्यान गएको छ । निर्माणाधिन पक्की घरको दोस्रो तलामा काम गर्दा अचानक लड्न गई उनको ज्यान गएको हो ।

ज्यान गुमाउने मजदुर बर्ष ४० को प्रेम मगर हुन् । कामको क्रममा गत शनिबार लडेर गम्भीर घाईते भएका उनलाई सहकर्मी कामदार समेतको सहयोगमा तत्कालै उपचारको लागी मध्यपुर अस्पतालमा उपचारार्थ भर्ना गरिएको थियो । उपचार हुदाहुदै  गएराती उनको निधन भएको भक्तपुर प्रहरीले जनाएको हो ।

मृृृतक मगर काभ्रेपलाञ्चोको बेथानचोक ६ घर भई हाल भक्तपुरको मध्यपुर थिमि ६ कुण्डोल बस्दै आएका बताइएको छ । घटनाबारे थप अनुसन्धान भैरहेको प्रहरीको भनाइ छ ।