बाँकेको नेपालगन्जमा राष्ट्रिय अनुसन्धान विभागका एक सूचकको हत्या गरि फरार रहेको आरोपमा एक अभियुक्त भक्तपुरबाट पक्राउ परेका छन् । भक्तपुरको चाँँगुनारायण-९ ताथलीबाट उनी पक्राउ परेका हुन् ।

पक्राउ पर्नेमा बाँकेको नेपालगञ्जकै १८ वर्षीय विवेक परियार रहेका प्रहरीले जनाएको छ । प्रहरीका अनुसार परियार नेपालगन्जमा अनुसन्धान बिभागका सूचक प्रवीण थापाको हत्यामा संलग्न भइ फरार रहेका थिए ।

भक्तपुर प्रहरीको सहयोगमा केन्द्रीय अनुसन्धान ब्यूरोले बिहीबार अभियुक्त  परियारलाई पक्राउ गरेको बताइएको छ । ताथलीमा लुकिछिपी रहेको अवस्थामा उनी पक्राउ परेका हुन् । महानगरीय प्रहरी परिसर भक्तपुरको प्रमुुख रहेकी एसपी तारादेेेेवी थापाले अभियुक्तको भक्तपुर कनेक्सनबारे अनुसन्धान भैरहेको भक्तपुर पोस्टलाई जानकारी गराएकी छन् ।