सरकारले भूमि व्यवस्था समस्या समाधान समितिको भक्तपुर जिल्ला अध्यक्षमा मोहनवीर श्रेष्ठलाई नियुक्त गरेको छ । श्रेष्ठ पूर्व गाविस अध्यक्ष एवं सतारुढ़ नेपाल कम्युनिष्ट पार्टी(नेकपा) का जिल्ला नेता हुन् ।

सरकारले भूमिहीन सुकुम्बासी र अव्यवस्थित रुपले सरकारी जग्गामा बसेकालाई बसोबासको व्यवस्था मिलाउन नेकपा चितवनका नेता देवीप्रसाद ज्ञवालीको अध्यक्षतामा अधिकार सम्पन्न उच्चस्तरीय आयोग गठन गरेको छ । सोही आयोग अन्तर्गत ७७ जिल्ला समिति गठन गरिएको हो ।

जिल्ला अध्यक्षले सरकारको सहसचिव बरावर तलव सुबिधा बुझ्नेछन भने उनका लागि गाडी, इन्धनलगायतको सुविधासमेत दिइनेछ । भक्तपुर जिल्ला समितिमा २ सदस्य समेत नियुक्त भएका छन् । उनीहरु अनिल श्रेष्ठ र उत्तरा नेपाल हुन् । उनीहरुको लागि शाखा अधिकृतसरहको तलब सुविधा सरकारले व्यहोर्ने बताइएको छ ।  जिल्ला समितिमा जिल्लास्थित बन, नापी र भुमी व्यवस्था कार्यालयका प्रमुख पदेन सदस्य रहने व्यवस्था छ भने जिल्ला समन्वय अधिकारीलाई सदस्य सचिव तोकिएको छ ।

यसअघि यस्ता १४ आयोग गठन गरेपनि समस्या ज्युँका त्युँ भएकोले कार्यकर्तालाई जागिर दिने मेलोको रुपमा यसलाई हेरिएको छ । यद्यपी, सरकारले भने यस पटकको आयोग र जिल्ला समितिले यस अघि समाधान हुन नसकेका तमाम समस्या समाधान गर्ने दावी गरेको छ ।