News Portal

  • बैंकर्सहरुकाे निष्कर्ष : सहुलियतपूर्ण कर्जा टाठाबाठाको पोल्टामा

    सञ्जीब दुलालभक्तपुर, ४ फागुन
    ७६४ पटक
    भक्तपुर, ४ फागुन

    निम्न आय भएका लक्षित वर्गको उत्थानका लागि राष्ट्रबैंकले विना धितो ऋण दिन प्रावधान अगाडी सारेपनि उक्त सुविधाबाट उनीहरु बञ्चित रहँदै आएको बैंकर्सहरुले बताएका छन् ।

    बैंकर्स एसोसियसनको सहकार्यमा राष्ट्र निर्माण मञ्चले आयोजना गरेको सहुलियतपूर्ण कर्जा कार्यविधी २०७५ को चुनौती र सहजताका सन्दर्भमा अन्तक्रिया कार्यक्रममा बैंकर्सहरुले लक्षित वर्गको पहुँचमा हाल सम्म पनि सहुलियतपूर्ण कर्जा पुग्न नसकेको बताएका हुन् ।

    विना धितो विभिन्न शिर्षकमा उपलब्ध हुने सहुलियत कर्जाको सन्दर्भमा लक्षित वर्ग आफै अज्ञात तथा उक्त कर्जाको लागि चाहिने प्रक्रिया पुरा गर्न असमर्थ रहँदा हुने खाने तथा टाठाबाठाको पोल्टामा नै उक्त कर्जा पुगेको बैंकर्सहरुले बताएका छन् ।

    सहुलियत कर्जाको सवालमा कृषि वाहेक हरेक बैंकको एक शाखाले १० जनालाई सहुलियत कर्जा उपलब्ध गराउनु पर्ने कार्यविधी नै आएको बैंकर्स एसोसियसनका प्रतिनिधि प्रविण लाखेले बताए । उनका अनुसार हाल सम्म जति पनि सहुलियत कर्जा प्रवाह भएका छन् ति सबै बाठा टाठाको पोल्टामा नै पुगेको छ । तर किन लक्षित वर्ग सम्म यो पुग्न सकेन भन्ने विषयमा अध्ययन गर्दा उनीहरुले लोनका लागि दिने आवेदन अर्थात प्रपोजल नै तयार गर्न नसक्ने र प्रपोजल तयार गर्न असमर्थ रहेकै कारण उनीहरु हाल सम्म यो कर्जाबाट विञ्चीत हुनु परेको उनले बताए । नेपालमा हाल ४६१३ बैंकका व्रान्चहरु रहेको बताउँदै उनले उक्त व्रन्चहरुबाट ४६१३० जनामा उक्त सहुलियत कर्जा उपलब्ध हुनु पर्ने समेत जानकारी दिए । उनका अनुसार हाल सम्म सहुलियत कर्जा ६० हजार ८७९ जनाले प्राप्त गरि सकेको बताउँदै उक्त कर्जाको भार १ सय अर्व ३७ करोड भन्दा बढि भएको जानकारी समेत दिएका थिए । प्रवाहित कर्जामा ३३ अर्व भन्दा बढि कृषिमा मात्र लगानी भएको उनले बताए ।

    बैंकर्सहरुका अनुसार हाल सम्म कृषि तथा पशुपालन र महिला उद्यमीको नाममा बढि सहुलियत कर्जा प्रवाह भएको छ । यस्तै विदेशबाट फर्कनेहरु, दलित लक्षित कर्जा, उच्च शिक्षा तथा प्रविधिक शिक्षाको सर्टिपिकेट राखेर लिने कर्जा, शैक्षिक कर्जा, ब्यवसायिक कर्जा लगाएतका कर्जामा भने कमैमात्र मानिसको चासो देखिएको समेत उनीहरुले बताएका थिए ।

    कार्यक्रममा प्रभु बैंककी विष्णु अधिकारीले बैंकबाट विना धितो उपलब्ध हुने कर्जाको धितो राख्न सक्ने वर्गले नै प्रयोग बढि गर्दै आएको बताएकी थिईन् । उनले यो सहुलियत कर्जा धितो राख्न नसक्नेको लागि हो तथापी धितो राख्न सक्ने वर्गले नै यो कर्जा लिने तर धितो राख्न नसक्ने वर्ग जो यो कर्जाको हकदार हो उ बैंक सम्म आउन सक्ने अवस्था नै नभएको उनले बताइन ।

    कार्यक्रममा राष्ट्र निर्माण मञ्चका अध्यक्ष निर्मल कुमार उप्रेतीले सहुलियत पूर्ण कर्जाको सवालमा गाउँ गाउँमा डकुमेन्टेसन लगाएतका काममा सहजता दिई तल्लो वर्गलाई उत्थानमा जोड दिनु पर्ने बताए । उनले भने गाउँमा १५ वटा २० वटा बाख्रा पाल्ने किसान प्रसस्तै फेला पर्छन जसलाई अव थप एक लाख मात्र सहुलियत कर्जा पाउन सके पनि उन्नत जातको बोका वा माउ किन्न सक्थे तर सहरमा त्यही १५ – २० वटा बाख्रा देखाएर सहुलियत कर्जा लिनेको संख्या प्रसस्त छ । यो खाडललाई मेटाउन पनि बैंकर्स तथा राष्ट्रबैंकले नियमन गर्न आवश्यक भएको उनले बताए । उनले ती किसानको पहुँचमा कसरी सहुलियत कर्जा पुञ्याउन सकिन्छ भन्ने विषयमा छलफल गर्न आवश्यक भएको समेत बताए ।

    कार्यक्रममा राष्ट्र बैंक, बैंकर्स एसोसियसन, विभिन्न बाणिज्य बैंकका प्रतिनिधिहरु राष्ट्र निर्माण मञ्चका प्रतिनिधिको उपस्थिती रहेको थियो ।

    प्रतिकृया दिनुहोस्

    सेक्युरिटी प्रिन्टिङ प्रेसमा दोषी ठहर इन्जिनियरले गरे भक्तपुरस्थित आफ्नै निवासमा आत्महत्या

    भ्रष्टाचार मुद्दामा विशेष अदालतले दोषी करार गरेपछि एक सरकारी कर्मचारीले आत्महत्या गरेका छन् । सेक्युरिटी...

    सिरोहियाको पक्षमा उभिए सांसद थापा : ओलीमाथि आक्रोश, प्रचण्डप्रति गुनासो

    नेपाली कांग्रेसका तर्फबाट निर्वाचित भक्तपुर-२ का प्रतिनिधि सभा सदस्य दुर्लभ थापा कान्तिपुर मिडिया ग्रुपका अध्यक्ष...

    अनुमती मागेरै रोए प्रअ महर्जन

    ललितपुर, १० जेठ २०८१ । मञ्च धुमधामले सजाइएको थियो । छेउमै नौमति बाजा घन्किरहेको थियो...

    स्थानीयले नियन्त्रणमा लिए मालबाहक टिपर

    बिशाल बस्नेत, महोत्तरी । अवैधानिकरुपमा नदीजन्य  पदार्थ ओसारपसार गरिरहेका टिपरहरुलाई स्थानीयहरुले नै नियन्त्रणमा लिएर प्रहरीलाई...

    पुँजीवादीहरु आफ्नो स्वार्थ सिद्ध गर्न प्रेस स्वतन्त्रताको कुरा गर्छन् : बिसंखे

    नेकपा (माओवादी केन्द्र) की स्थायी समिति सदस्य अन्जना बिसंखेले प्रेस स्वतन्त्रता पुँजीवादीहरुको कब्जामा परेको बताएकी...