भक्तपुर, ६ फागुनभक्तपुरमा बुधवार साँझ मिनीट्रकबाट ओर्लेनेक्रममा घाइते भएका एक व्यक्तिले ज्यान गुमाएका छन् । उपचारको क्रममा उनको गएराती ज्यान गएको हो ।
ज्यान गुमाउने व्यक्ति झौखेलका ४१ वर्षीय सूर्यमान सुवाल रहेका महानगरीय प्रहरी परिसर भक्तपुरले जनाएको छ । झौखेलबाट ब्यासी तर्फ आउदै गरेको बा २ क ९०९९ नं.को मिनीट्रकमा सवार गरी सुवाल मिनीट्रकबाट झर्ने क्रममा सोही मिनीट्रकको अगाडीको बाँया साईडको चक्कामा पर्न गई ज्यान गएको प्रहरीले पुष्टि गरेको हो ।
डिएसपी दिपक गिरीले जानकारी दिए अनुसार दुर्घटनाको जानकारी प्राप्त हुनासाथ महानगरीय प्रहरी प्रभाग ब्यासी बाट प्रहरी टोली खटी गई घाईतेलाई उपचारार्थ भक्तपुर अस्पताल पुर्याई प्राथमिक उपचार गरिएको थियो । त्यस पश्चात थप उपचारका लागी राति नै करिब ८ बजे धुलिखेल अस्पताल पठाईएकोमा धुलिखेल अस्पतालमा उपचार हुन नसकी थप उपचारको लागी साढे ११ बजे के.एम.सि. अस्पताल सिनामंगल रिफर गरिएको बताइएको छ । उपचारकै क्रममा मध्यराती करिब साढे १ बजे सम्बन्धित चिकित्सकले सुवाल लाई मृत घोषणा गरेको दिएसपी गिरीले बताए ।
ठक्कर दिने सवारी साधन र सवारी चालक रामेछाप दोरम्बा घर भई हाल जिल्ला भक्तपुर चाँगुनारायण न.पा. २ झौखेल बस्ने वर्ष ४५ को सन्तवीर तामाङलाई महानगरीय प्रहरी परिसर भक्तपुरमा राखी थप अनुसन्धान कार्य भईरहेको प्रहरीको भनाइ छ ।