टिपरको ठक्करबाट भक्तपुरमा एक पैदल यात्रुको ज्यान गएको छ । बाटो काट्नेक्रममा टिपरले ठक्कर दिंदा पैदल यात्रुको ज्यान गएको हो ।

ज्यान गुमाउने पैदल यात्रु सिन्धुपाल्चोक बलेफीका ३५ वर्षीय बलराम तामाङ रहेको प्रहरीको भनाइ छ । अरनिको राजमार्गमा सल्लाघारीबाट जगातीतर्फ जाँदै गरेको बा ५ ख ४७९ नं. को टिपरले शुक्रवार राति करिब १० बजे उनलाई ठक्कर दिएको थियो । ललितपुर स्थित नाईटिङ्गेल बोर्डिङ स्कुलका चालक रहेका उनलाई उपचारका लागि भक्तपुर अस्पताल पुर्याइएको तर राति करिब साढे १० बजे नै उनको ज्यान गएको डिएसपी दिपक गिरीले जानकारी दिए ।

तामाङ्गलाई ठक्कर दिने टिपर चालक पनि सिन्धुपाल्चोक कै हुन् । साँगाचोकगढी -११ घर भएका २९ वर्षीय टिपर चालक सुरेन्द्र खत्रीलाई नियन्त्रणमा लिई थप अनुसन्धान भईरहेको प्रहरीको भनाइ छ ।