News Portal

  • गठ्ठाघर र सूर्यविनायकमा शाखा बिस्तार गरेको पशुपति सहकारी संकटमा

    भक्तपुर, २४ फागुन
    १३०९ पटक
    भक्तपुर, २४ फागुन

    सदस्यको बचत सञ्चालकले जथाभावी लगानी गर्दा गम्भिर आर्थिक संकटमा पशुपति सेभिङ एण्ड क्रेडिट को–अपरेटिभ फसेको छ । ललितपुर मूख्य कार्यालय रहेको यस सहकारीले भक्तपुरको गठ्ठाघर र सूर्यविनायकमा समेत शाखा बिस्तार गरेको छ ।

    सहकारीका सिद्धान्त अनुसार सदस्यहरुबाट संकलन गरेको बचत सदस्यहरुबीचमा नै परिचालन गर्नुपर्छ । तर, पशुपति सहकारीका सञ्चालकले कानुनी विपरित गई जथाभावी घरजग्गामा रकम लगानी गर्दा संस्था वित्तीय संकटमा परेको हो । घर जग्गामा संस्थाले गरेको लगानी डुबेपछि सदस्यहरुले बचत फिर्ता पाउन सकेका छैनन् ।

    संस्थामा एक लाखसम्म बचत गर्ने सदस्यको संख्या ४ हजार ८ सय ५३ जना रहेको छ । उनीहरुको मात्रै १७ करोड २२ लाख १८ हजार ३ सय २ रुपैया २९ पैसा बचत छ । त्यसैगरी ५ लाख रुपैयाँसम्म बचत गर्ने सदस्य २ हजार १ सय २६ जना रहेका छन् । उनीहरुको ४२ करोड ६६ लाख ७७ हजार ३ सय २९ रुपैयाँ ४४ पैसा रहेको छ । त्यसैगरी १० लाखभन्दा बढी बचत रहेको १ हजार १ सय ६७ सदस्य रहेका छन् । उनीहरुको बचत १ अर्ब २३ करोड ५० लाख ६७ हजार ६ सय ५२ रुपैयाँ रहेको छ । संस्थाले सदस्यको बचत फिर्ता गर्नुपर्ने १ अर्ब ८३ करोड ३९ लाख ६३ हजार २ सय ८३ रुपैयाँ ७३ पैसा रहको छ । तर, संस्था पैसा फिर्ता गर्न सक्ने अवस्थामा छैन ।

    संस्थाले फागनु ६ गते विशेष साधारणसभा गरेको थियो । उक्त सभाले व्यवस्थापन समिति गठन गरी घरजग्गा र नगद मिलाएर बचत फिर्ता गर्ने जानकारी सदस्यलाई गराएको थियो । संस्थाले विजेन्द्र पसाछेँको संयोजकत्वमा २ कर्मचारी र ३ जना शेयरसदस्य रहेको व्यवस्थापन समिति गठन गरिने जनाएको भएपनि हालसम्म त्यस विषयमा आधिकारिक जानकारी गराएको छैन ।

    बचत फिर्ता नदिएर जग्गा दिने तयारी

    संस्थाले बचत फिर्ता दिन नसकेपछि जग्गा दिने तयारी संस्थाले गरेको छ । जग्गाको भैतिक पूर्वाधार र ठाउँको आधारमा चलनचल्तीको मुल्यमा न्यूनतम प्रति घरेडी १० लाखदेखि सुरु हुने जनाएको छ । जग्गा विक्रि गर्दा टुक्रा र थोक जग्गाको मूल्य समेत फरक हुने जनाएको छ । पैसा फिर्ता गर्न नसकेपछि जग्गा लिन सदस्यलाई संस्थाले अनुरोध गर्दै आएको छ ।

    संस्थाले नारायणघाट, धुलिखेल, चन्द्रनिगाहपुर, भैंसेपाटी, लामाटारलगायतका स्थान जग्गा खरिद गरेको छ । तर, जग्गा संस्थाको नाममा वा सञ्चालकको नाममा छ भन्ने विषय यकीन हुन सकेको छैन । संस्थाले विक्री गर्न लागेका प्लटहरु हेर्न जाने सदस्य र गैर सदस्यहरुलाई यातायातको व्यवस्था गर्ने जनाएको छ । पैसको सट्टा जग्गा लिनको लागि नाम रजिष्टर पनि सुरु भएको एक सदस्यले बताए ।

    २ सञ्चालकद्वारा राजिनामा

    संस्था आर्थिक संकटमा फसेपछि २ सञ्चालकले राजिनामा दिएका छन् । सञ्चालक सदस्य राजिव सिं कंडेल र प्रफुल्ल बहादुर श्रेष्ठले राजिनामा दिएका छन् । तर सञ्चालक समितिले उक्त राजिनामा अस्वीकृत गरेको छ । राजिनामा आएको कुरा साधारणसभामा जानकारी गराईएको  सहकारी खबरले लेखेको छ ।

    प्रतिकृया दिनुहोस्

    मध्यपुर थिमिमा सूचनाको हक सम्बन्धी अन्तरक्रिया सम्पन्न

    antarkriya

    भक्तपुरको मध्यपुर थिमिमा सूचनाको हक सम्बन्धी अन्तरक्रिया कार्यक्रम सम्पन्न भएको छ । नेपाल पत्रकार महासंघ...

    अर्थमन्त्रीमाथि छानबिन गर्न ११ संसदीय छानबिन समिति गठन

    अर्थमन्त्री जनार्दन शर्मामाथि छानबिन गर्न ११ संसदीय छानबिन समिति गठन भएको छ । प्रमुख विपक्षी...

    भक्तपुरमा पनि भेटियो हैजाको संक्रमित

      भक्तपुरको चाँगुनारायण नगरपालिका ४ दुवाकोट र हेटौंडा नगरपालिकामा हैजाका संक्रमित भेटिएका छन् । इपिडिमियोलोजी...

    आउँदो २६ गते देशैभर सार्वजनिक बिदा

    सरकारले आउँदो २६ गते आइतवार देशैभर सार्वजनिक बिदा दिने निर्णय गरेको छ । आइतवार इस्लाम...

    अर्थमन्त्री शर्मामाथि संसदीय छानबिन हुन

    janardan sharma

    प्रमुख प्रतिपक्षी दल नेकपा एमालेको मागबमोजिम अर्थमन्त्री जनार्दन शर्मामाथि छानबिन गर्न संसदीय समिति गठन हुने...