News Portal

  • नेकपा(माओवादी केन्द्र)को भक्तपुर कार्यालयमा राखियो साइनबोर्ड : कार्यकर्ता उत्साहित

    भक्तपुरपोस्ट संवाददाता भक्तपुर, २७ फागुन
    २४०४ पटक
    भक्तपुर, २७ फागुन

    सर्वोच्च अदालतको आदेशपछि पुनर्जीवित भएका नेपाल कम्युनिष्ट पार्टी(माओवादी केन्द्र) र नेपाल कम्युनिष्ट पार्टी (एमाले) ले देशैभर आआफ्ना साइनबोर्डसहितका कार्यालयलाई पुनर्जीवन दिइरहेका छन् । यसै बीच नेपाल कम्युनिष्ट पार्टी (माओवादी केन्द्र) को भक्तपुर जिल्ला कमिटीले पनि आफ्नो कार्यालयमा साइनबोर्ड राखी कार्यालयलाई पुनर्जीवन दिएको छ ।

    विहीवार दिउँसो भक्तपुर जिल्लाका नेताकार्यकर्ताको उपस्थितिमा साइनबोर्ड राखिएको हो । भक्तपुर नगरपालिका वडा नम्बर १ नपलीस्थित नेकपा(माओवादी केन्द्र) को कार्यालयमा साइनवोर्ड पुनर्स्थापित गरिएको जिल्ला नेता युवराज आचार्यले जनाएका हुन् । उक्त अवसरमा तत्कालीन पोलिटब्युरो सदस्यद्वय दिलिप प्रजापति ‘भिष्म’ र देवेन्द्र श्रेष्ठ ‘दिवाकर’ त्यसैगरी तत्कालीन जिल्ला संयोजक डिपी ढकाल, बागमती प्रदेश सांसद समेत रहेकी जिल्ला नेतृ प्रतिमा श्रेष्ठ, युवा नेता दिनेश थपलिया आक्रोश,सुमन दाहाल, विद्यार्थी नेता विराज थापा लगायतका नेताकार्यकर्ताहरु सहभागी रहेका थिए । नेकपा(एमाले) भक्तपुरले भने मंगलवार नै सूर्यविनायकस्थित कार्यालयमा आफ्नो साइनबोर्ड राखिसकेको छ ।

    पार्टी अध्यक्ष प्रचण्डको पहल र नेतृत्वमा कम्युनिष्ट आन्दोलनलाई एकीकृत गर्ने उदेश्यले बनाइएको नेपाल कम्युनिष्ट पार्टी (नेकपा) को अस्तित्व अस्वीकार गर्दै सर्वोच्च अदालतले पुरानै दल कायम गर्न आदेश दिएपछि भक्तपुरमा पनि नेपाल कम्युनिष्ट पार्टी(माओवादी केन्द्र) को साइनबोर्ड राखिएको नेता देवेन्द्र श्रेष्ठ दिवाकरले जानकारी दिए । त्यसैगरी अर्का नेता दिलिप प्रजापति भिष्मले आम कार्यकर्ताको उत्साहलाई केन्द्रले उच्च मूल्यांकन गर्दै आगामी कार्यदिशा तय गरिने बताउदै सहभागिताको लागि धन्यवाद व्यक्त गरेका थिए ।

    उक्त अवसरमा जिल्ला संयोजक डिपी ढकालले अब पार्टी कार्यालयसंगै पार्टी संगठनले पनि पुनर्जीवन पाउने भन्दै विगत बाट पाठ सिकेर संगठनलाई थप मजबुद र एकातावद्ध गरी अघि बढाउने प्रतिवद्धता प्रकट गरे ।

    नेताहरुले सत्ताको चास्नीमा नडुबी पुरानो पार्टीमा फर्किएका आम कार्यकर्तालाई बधाई दिंदै पार्टीको असली सम्पत्ति सत्ता नभई कार्यकर्ता र जनता नै भएको र त्यसमा नेकपा(माओवादी केन्द्र) ले आफ्नो बिरासत कायम राखेको बताए ।

    पार्टी कार्यालयको पुनर्स्थापनापछि सहभागीहरुले एकापसमा लड्डु खुवाउदै खुशी साटासाट गरेका थिए । पार्टी एकतापछि बैठक नै बस्न नसकी मृत प्रायः रहेको पार्टीले नयाँ जीवन पाएको उनीहरूको निस्कर्ष रहेको छ । सर्वोच्च अदालतको आदेशले कम्युनिष्ट आन्दोलनलाई कमजोर बनाएको शोकलाई शक्तिमा बदल्दै संगठित बन्ने र नेपालको कम्युनिष्ट आन्दोलनलाई उचाइमा पुर्याउन नेकपा(माओवादी केन्द्र) लाई थप सशक्त बनाउन योगदान गरिरहने उनीहरूले प्रतिवद्धता प्रकट गरेका छन् ।

    वाइसिएल कार्यालय पनि पुनर्स्थापित

    यसैबीच बिहीवार नै भक्तपुर जिल्लामा नेकपा(माओवादी केन्द्र) को युवा संगठन वाइसिएल नेपालको पनि कार्यालय पुनर्स्थापित गरिएको छ । पार्टी कार्यालय रहेकै भवनमा वाइसिएलको भक्तपुर कार्यालय पुनर्स्थापित भएको नेता सरराज उप्रेतीले जानकारी गराएका छन् ।

    प्रतिकृया दिनुहोस्

    ईप्सन भक्तपुरको हिज्जे प्रतियोगितामा यूनिटी स्कूल प्रथम

    ईप्सन भक्तपुरको बोर्ड कार्यक्रम अन्तर्गत मदरल्याण्ड स्कूलको आयोजनामा सम्पन्न अङ्ग्रेजी हिज्जे प्रतियोगितामा यूनिटी स्कूल प्रथम,...

    रगतको सही प्रयोगले अभाव केही हदसम्म कम गराउन सकिन्छ

    रगत अभावको बारेमा हामीले बेलाबेलामा विभिन्न सञ्चार माध्याममा पढ्ने रसुन्नेगरेका छौँ।नेपालमा दैनिक हजारौँ व्यक्तिले रक्तदान...

    आलोचना होइन, प्रशंसा गर्नुस् : अध्यक्ष ओली

    पूर्व प्रधानमन्त्री समेत रहेका नेकपा (एमाले) का अध्यक्ष केपी शर्मा ओलीले कार्यकर्तालाई आलोचनामा रमाउनुको सट्टा...

    महिलाहरु रक्तदानमा पछि, जीवनदानको रुपमा रहेको रक्तदानप्रति प्रेरित गर्नुपर्नेमा जोड

    रक्तदानलाई ‘जीवन दान’ को रुपमा श्रद्धाले ग्रहण गरिने भएपनि यसप्रति महिला वर्गलाई आकर्षित गर्न नसकिएको...

    भक्तपुरका ४ पत्रकारलाई पत्रकार महासंघको पुरस्कार र सम्मान

    sanjeep ghimire shubhachintak fnj

    नेपाल पत्रकार महासंघ जिल्ला शाखा भक्तपुरले जिल्लाका ४ पत्रकारलाई पुरस्कृत गरेको छ । शाखाले आफ्नो...