चाँगुनारायण, ४ चैत २०७७चाँगुनारयण नगरपालिकामा एकै दिन दशवटा तालिमको उद्घाटन गरिएको छ । कृषी,पशुपन्छि, व्यापार, व्यवसाय गर्न चाहने वर्गलाई लक्षित गरि एकै दिन १० वटा तालिमको एक समारोह विच उद्घाटन गरिएको हो ।
चाँगुनारायण नगरपालिकाको दुवाकोट स्थित नेपाल इन्जिनियरिङ कलेजको प्राङ्गणमा आयोजना गरिएको कार्यक्रममा नगर उप प्रमुख बिणा वास्तोलाले तालिममा सहभागी हुने सबैलाइ बधार्ई सहित शुभकामना व्यक्त गरेकी थिइन् । कार्यक्रममा सहकार्यको भूमिका निर्वाह राष्ट्रिय युवा परिषद् र नेपाल बैंक लिमिटेडले गरेको छ ।
तालिममा सबै सहभागीहरुलाई सबै खाले ज्ञान दिने लक्ष्य
चाँगुनारयण नगरपालिकाले युवा वर्गलाई लक्षित पारि युवाहरुलाई नै उद्यमशीलता बनाउने लक्ष्य लिएको छ । आफ्नो नगरभित्र वेरोजगार रहेका युवाहरुलाई उद्यमी बनाउन नगरपालिकाले मेयर उद्यमशीलता विकास कार्यक्रमको थालनी गरेको हो ।
“३०० जनालाई रोजगारि बनाउनु भनेको थप ३०० जनालाई रोजगार जोड्नु हो” चाँगुनारयण नगरपालिकाका कर्मचारी एवं कार्यक्रम संञ्चानल सदस्य सन्तोषी नेपालीले बताइन । यो कार्यक्रमले सिंगो परिवारले समेत जोडेर जाने भएकोले परिवारलाई समेत रोजगारी बनाउन यस कार्यक्रमले सहयोग गर्ने सन्तोषी नेपालीले बताइन ।
युवाहरुमा सबै कुराको ज्ञान होस् भनेर भिन्न भिन्नै सिप भएका युवाहरुलाई एकै ठाउँमा राखेर तालिम संञ्चालन गरिरहेको छ । यसरी तालिम दिंदा युवाहरुमा कामको सम्भाव्यता, साथै बजार व्यवस्थापन , अरु व्यापार व्यावसाय बारे थप ज्ञान हाँसिल गरि आफुले गर्न लागेको व्यापार व्यावसायमा थप सहयोग पुग्ने जानकारी गराइएको छ । उक्त तालिम भने सात दिन सम्म चालु हुने भनिएको छ ।