भक्तपुर संवाददाता६ चैत्र,२०७७
६ चैत्र,२०७७ भक्तपुरमा कोरोना भाइरसको कारण थप एकजनाको मृत्यु भएको छ। स्वास्थ्य कार्यालय भक्तपुरका अनुसार बिहीबार मध्यपुर थिमि नपाका एकजना पुरुषको कोरोना भाइरस संक्रमणका कारण मृत्यु भएको हो ।
यससँगै भक्तपुरमा कोरोना भाइरस संक्रमणका कारण मर्नेको संख्या १ सय २८ पुगेको कार्यालय प्रमुख कृष्ण मिजारले जानकारी दिए । उनका अनुसार भक्तपुरमा ८३ पुरुष र ४५ महिलाको संक्रमणको कारण मृत्यु भएको छ ।
भक्तपुरका चार नगरपालिकामध्ये सबैभन्दा बढी भक्तपुर नपाका ४५ जना संक्रमितको मृत्यु भएको छ । यहाँका २९ पुरुष र १६ महिलाले कोरोनाको कारण ज्यान गुमाएका छन् ।
मध्यपुर थिमि नपाका २८ पुरुष र १४ महिला गरी ४२ जना संक्रमितको मृत्यु भएको छ । सूर्यविनायक नपाका १८ पुरुष र १३ महिला गरी ३१ ले संक्रमणको कारण ज्यान गुमाउँदा चाँगुनारायण नपाका ८ पुरुष र २ महिला गरी १० जनाको मृत्यु भएको छ ।