भक्तपुरको सुर्यविनायक – १० चितापोल स्थित भित्री सडक खण्डमा सवारी दुर्घटना हुँदा एकजनाको ज्यान गएको छ । नलिन्चोकबाट चितापोल तर्फ जाँदै गरेको बा. ४ ख. ९८१० नं.को खाली टिपरले नलिन्चोकतर्फ आउदै गरेको मे. ८ प. ८३९७ नं.को मोटरसाइकललाई ठक्कर दिदा पछाडि सवार महिलाको ज्यान गएको हो ।                                                                                                ज्यान गुमाउनेमा सोलुखुम्बु दुधकुण्ड गाउपालिका वडा नं. ११ घर भई हाल काठमाण्डौ हात्तीगौडा बस्ने वर्ष ५९ की सिताकुमारी कार्की रहेकी छन् । उनलाई भक्तपुर अस्पताल दुधपाटी ल्याइएकोमा उपचारकै क्रममा शनिवार करिव ४ बजेको समयमा चिकित्सकले मृत घोषणा गरेको डिएसपी दिपक गिरीले जानकारी दिए । मोटरसाइकल चालकरहेका मृतकको छोरा ३४ वर्षका प्रकाश कार्कीलाई भने केही नभएको र उनी सकुशल रहेको गिरीले जानकारी गराए  ।                                                                                                                               टिपर चालक जिल्ला सिन्धुपाल्चोक मेलम्ची नगरपालिका वडा नं.१३ बस्ने वर्ष २३ को सुनिल तामाङ र दुवै सवारी साधन नियन्त्रणमा लिई थप अनुसन्धान कार्य भइ रहेको महानगरीय प्रहरी बृत्त जगातीले जनाएको छ ।