भक्तपुर, १२ चैतनेपाल क्षयरोग निवारण संस्था जिल्ला शाखा भक्तपुरले एक कार्यक्रमका बीच १३९ औं विश्व क्षयरोग नियन्त्रण दिवस मनाएको छ । कार्यक्रम भक्तपुरस्थित शान्ति निकेतन माविमा सम्पन्न भएको हो ।
संस्थाका सभापति पुष्पलाल तिमिलाको सभापतित्वमा भएको उक्त कार्यक्रम नेपाल क्षयरोग निवारण संस्थाका केन्द्रिय सदस्य महेन्द्रगोपाल कर्माचार्यको प्रमुख आतिथ्यतामा सम्पन्न भएको थियो ।
उक्त अवसरमा कर्माचार्यले विश्वमा नै भयावह रुपमा फैलिएको क्षयरोग एउटा आदिकालदेखि नै रहेको र नेपालमा पनि पूर्व राजा रणबहादर शाहकी श्रीमतीदेखि पूर्व प्रधानमन्त्री चन्द्रशमशेरराणालाई समेत क्षयरोग लागेको सम्मरण गरे । क्षयरोग नियन्त्रण गर्न टोखामा स्यानिटोरिमको स्थापनादेखि नेपाल क्षयरोग निवारण संस्था स्थापना र क्षयरोग नियन्त्रणका गतिविधिका बारेमा उनले चर्चा गरेका थिए । केन्द्रिय सदस्य कर्माचार्यले सन् १८८२ मा रवर्ट कक्ले किटाणुका कारण क्षयरोग लागेको हो भनेर पत्ता लगाएदेखि मानिसमा क्षयरोगबाट बच्ने आशा पलाएको र त्यसैको सम्झनामा आजसम्म विश्व क्षयरोग नियन्त्रण दिवस मनाउदै आएको जानकारी गराए ।
संस्थाका सचिव सुमन श्रेष्ठले संचालन गरेको उक्त कार्यक्रममा संस्थाका सभापति तिमिलाले आगामी कार्ययोजना प्रस्तुत गरेका थिए । कार्यक्रममा जिल्ला स्वास्थ्य कार्यालयका वरिष्ठ जनस्वास्थ्य अधिकृत कृष्णवहादर मिजारले नेपालमा क्षयरोग नियन्त्रणमा अझै समस्या र चुनौतिहरुको सामना गर्नुपर्ने र अझैपनि क्षयरोगका विरामीहरु लुकेर रहेका ेतथ्यांक ले देखाएकोे दावी गरे ।
कार्यक्रममा संस्थाका निवर्तमान सभापति राम सिख, पूर्वसभापतिहरु महेन्द्रलाल कायस्थ र बाबुकाजी श्रेष्ठको उपस्थिति रहेको थियो ।