News Portal

  • भक्तपुरमा शनिबार दिनभर निःशुल्क पाठेघर तथा स्तन क्यान्सर परीक्षण शिविर

    भक्तपुरपोस्ट संवाददाता भक्तपुर, २१ चैत
    ८८९ पटक
    भक्तपुर, २१ चैत

    भक्तपुर नगरपालिकाको आयोजनामा वडा नं. २ मा एकदिने निःशुल्क पाठेघर तथा स्तन क्यान्सर परीक्षण शिविर संचालन भएको छ । जेसिज इङ्गलिस स्कुलको प्राङ्गणमा शिविर सुरु भएको हो ।

    शनिबार बिहान उक्त शिविरको नगरप्रमुख सुनिल प्रजापतिले उद्घाटन गरेका छन् । फैलिँदो स्तन क्यान्सर र पाठेघर क्यान्सरबाट नगरबासी महिलाहरुलाई जोगाउन भक्तपुर नगरपालिकाले उक्त शिविर सञ्चालन गरेको जनाएको छ ।

    शिविरको उद्घाटन कार्यक्रममा भक्तपुर नगरपालिकाका प्रमुख सुनिल प्रजापतिले क्यान्सर उपचार निकै महँगो भएका कारण समयमै यो रोगको पहिचानको लागि भक्तपुर नपाले नगरका सबै वडाहरुमा निःशुल्क रुपमा परीक्षण शिविर सञ्चालन गर्दै आएको बताए ।

    रोग लागेपछि उपचार गर्नुभन्दा रोग भए÷नभएको परीक्षणहरु गरिरहनुपर्ने बताउदै नगर प्रमुख प्रजापतिले मानिस धनी भन्दा पनि स्वस्थ हुनुपर्नेमा जोड दिए ।

    उक्त अवसरमा वडा नं. २ का वडाध्यक्ष हरिप्रसाद बासुकलाले वडाबासीको स्वास्थ्य अवस्था बुझ्न र निःशुल्क स्वास्थ्य जाँचका लागि शिविरको आयोजना गरिएको जानकारी गराए भने वडा सदस्य तुल्सीलक्ष्मी दुमरुले नियमित ब्यायाम र नियमित स्वास्थ्य जाँचका कारण महिलाहरु सम्भावित रोगहरुबाट बच्न सक्ने बताए ।

    शिविरमा भक्तपुर क्यान्सर अस्पतालको डाक्टर रोशनी छुकांले महिलाको पाठेघरको मुखको क्यान्सर जाँच गरेर क्यान्सर भए—नभएको पत्ता लगाइने जानकारी गराइन । उनले जति छिटो क्यान्सर पत्ता लाग्यो त्यति उपचार सहज हुने बताउदै परीक्षण गर्नुपर्नेमा जोड दिइन । व्यक्तिगत सरसफाई र सचेतनामा ध्यान दिन सकेमात्रै पनि धेरै रोगबाट बच्न सकिने उनको भनाइ छ । स्थानीय राजन जतिले स्वास्थ्यलाई महत्व दिएर शिविर संचालन गरेकोमा नगरपालिकालाई धन्यवाद दिए ।

    कार्यक्रमको सञ्चालन वडा सदस्य श्यामसुन्दर मातांले गरेका थिए । शिविर शनिवार दिनभर संचालन हुने उनले जानकारी दिए ।

    प्रतिकृया दिनुहोस्

    भक्तपुर जिल्ला अदालतका ३ हजार ६ सय ८१ मुद्दा फर्छ्यौट

    भक्तपुर जिल्ला अदालतमा एक वर्षमा ३ हजार ६ सय ८१ मुद्दा फर्छ्यौट गरिएको बताइएको छ...

    एसईईमा राम्रो नतिजा ल्याउने विद्यार्थी र विद्यालयलाई एनप्याब्सन भक्तपुरको अभिनन्दन

    नेसनल प्याव्सन भक्तपुरले आफ्ना सदस्य विद्यालयहरुबाट यस वर्षको माध्यमिक शिक्षा उतीर्ण परीक्षा (एसईई) मा सम्मिलित...

    प्रधानमन्त्री ओलीसहित २१ मन्त्रीले लिए सपथ

    प्रधानमन्त्री केपी शर्मा ओलीले प्रधानमन्त्रीको शपथ लिएका छन् । सोमबार राष्ट्रपति कार्यालय शीतल निवासमा आयोजित...

    नौ भाषामा दखल भएका रिजाललाई ५० हजार राशीको प्रतिभा पुरस्कार

    भाषा तथा सस्कृतिकर्मी भक्ती रिजाल प्रादेशिक “प्रतिभा” पुरस्कार बाट सम्मानित भएका छन् । रिजाललाई संघीय...

    दुर्लभ थापा मन्त्री बन्ने वा नबन्ने भन्नेबारे यस्तो छ महेश बस्नेतको भनाइ

    mahesh basnet bhaktapur 2

    पूर्व मन्त्री एवं नेकपा एमालेका पोलिटब्युरो सदस्य महेश बस्नेतले भक्तपुर-२ का प्रतिनिधि सभा सदस्य दुर्लभ...