मध्यपुर थिमि- ३ गठ्ठाघरस्थित अरनिको बस्ती उपभोक्ता समितिको अध्यक्षमा ठमनाथ ढकालको नेतृत्वमा नयाँ कार्यसमिति चयन भएको छ । ढकालको नेतृत्वमा १९ सदस्यीय नयाँ कार्यसमिति चयन भएको हो ।

शनिबार सम्पन्न समितिको १७औं साधारण सभाले उपाध्यक्षमा देविका पौडेल, महासचिवमा सुवर्गप्रभा गुरागाई, सचिवमा मकर श्रेष्ठ र कोषाध्यक्षमा लक्ष्मीलाल श्रेष्ठलाई चयन गरेको अध्यक्ष ढकालले जानकारी दिए । त्यसैगरी सदस्यहरुमा रामबहादुर बानियाँ, धर्मभक्त श्रेष्ठ, भिष्मप्रसाद बजगाई, सन्दिप ढकाल, शान्तिप्रसाद लुइटेल, प्रदिप अधिकारी, रेनुका गुरागाई, मैया दाहाल, इन्दिरा कोइराला, विज्ञान अर्याल, राजन ओझा, दिनेश मैनाली, इष्टमित्र मास्केलाई चयन गरिएको बताइएको छ ।

साधारण सभामा मध्यपुरथिमि नगरपालिकाका मेयर मदनसुन्दर श्रेष्ठले नगरको विकासमा साथ दिने यस्ता उपभोक्ता र विकास समितिको खाँचो रहेको बताए । समितिका सल्लाहकार  एवं नेकपा (एमाले)का नेता बचन देउजाले टोलमा खानेपानीको पाइप जोडेपनि पानी नआउने गरेको र सडक बत्तीको समस्या समेेत रहेकोले यसतर्फ लाग्न नयाँ समितिलाई आग्रह गरे । उक्त अवसरमा अध्यक्ष ढकालले समस्या तत्काल समाधान गर्न समिति सक्रिय हुने प्रतिवद्धता प्रकट गरेका थिए ।

अरनिको राजमार्ग गठ्ठाघर चोकबाट दक्षिण तर्फको बस्तीलाई समेटेरअरनिको बस्ती उपभोक्ता समिति २०६० सालमा स्थापना भएको हो ।