News Portal

  • स्थानीयको कुटाइबाट चोरको मृत्यु : ५ पक्राउ

    भक्तपुरपोस्ट संवाददाता भक्तपुर, २२ चैत
    १४८० पटक
    bhaktapurpoliceभक्तपुर, २२ चैत

    चाँगुनारायण-२ बर्खेपाटीमा गएराती स्थानीयको कुटाइबाट एक युवकको ज्यान गएको छ । पानी तान्ने मोटर चोरी गर्ने व्यक्तिलाई समाई कुटपिट गर्दा उनको ज्यान गएको हो ।

    ज्यान गुमाउने व्यक्तिको सनाखत हुन सकेको छैन । डिएसपी दिपक गिरीका अनुसार उद्धार गर्नेक्रममा उनले आफ्नो ठेगाना काभ्रेपलाञ्चोक कुसादेवी र नाम कृष्ण गुरुङ बताएका छन् । तर, उनका परिवारजन र आफन्तसंग सम्पर्क हुन सकेको छैन । प्रहरीले उनका आफन्त, परिवारजन हाल सम्म पनि सम्पर्कमा नआएको हुँदा संचार माध्यमबाट सम्बन्धित व्यक्ति सम्म सूचना पुर्याुईदिन पनि अनुरोध गरेको छ । प्रहरीका अनुसार बर्ष अन्दाजी ३० को कृष्ण गुरुङ भनिएका मृतकको उचाई ५ फिट १ ईन्च, छोटो कपाल, पातलो शरिर, निधारको बाँया तर्फ पूरानो घाँउको खत, आकाशे निलो रंगको सर्ट, खैरो रंगको कपडाको पाइन्ट लगाएको हुलिया रहेको छ ।

    महानगरीय प्रहरी प्रभाग व्यासीबाट प्रनानि बिर बहादुर भण्डारीको कमाण्डमा पुगेको प्रहरी टोलीले गएराती अन्दाजी ११:३० बजेको समयमा चोर भनिएका व्यक्तिलाई उद्धार गरेको थियो । एक स्थानीयको च्याउ खेतीमा लगाउन बनाएको सानो पानी जम्मा भएको पोखरीमा पानी तान्ने मोटर निकाल्दै गरेको अवस्थामा उनलाई समातेर स्थानीयले कुटपिट गर्दा घाइते भएको अवस्थामा आफूहरुले उद्धार गरी अस्पताल पुर्याएको डिएसपी दिपक गिरीले जानकारी दिए । आज करिब २:३० बजेको समयमा भक्तपुर अस्पतालमा उनको ज्यान गएको बताइएको छ ।

    पानी तान्ने मोटर चोरी गर्दै गरेको अवस्थामा फेला पारी कुटपिट गरी गम्भीर घाइते बनाएको अभियोगमा प्रहरीले ५ जना व्यक्तिहरुलाई नियन्त्रणमा लिई थप अनुसन्धान भइरहेको महानगरीय प्रहरी परिसर भक्तपुरले जनाएको छ । प्रहरीका अनुसार पक्राउ पर्नेमा स्थानीय टेक बहादुर के.सी., नविन कोजु,बिनोद लाखा,कमल खत्री (फुँयाल) र सनिस कुमार राय रहेका छन् ।घटनाबारे थप अनुसन्धान भैरहेको प्रहरीको भनाइ छ ।

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...