भक्तपुर, २५ चैतनेपाल पत्रकार महासंघको भक्तपुरमा सम्पन्न निर्वाचनको मतगणना जारी छ । उपत्यका प्रदेशको मतगणना सकिएपछि केन्द्रको मतगणनाको तयारी गरिएको छ ।
पदाधिकारीमा श्रीजन झा नेतृत्वको पुरै प्यानल अघि रहेको छ । १७४ मत खसेकोमा अध्यक्ष श्रीजन झाले १२५ मत पाएका छन् भने उनको प्रतिस्पर्धामा रहेका रामचन्द्र खड्काले ४३ मत हासिल गरेका छन् । महासचिव टेकबहादुर रोका (टेनिस) मत ११८ रहेको छ भने उनका प्रतिस्पर्धी सविन शर्माले ४६ मत पाएका छन् ।
उपाध्यक्ष र सचिवमा पनि झा प्यानलका उम्मेदवार अघि छन् । उपाध्यक्षमा वीरबहादुर लामाको मत १११ र सचिव रोशनराज पाण्डेको ११३ मत आएको छ । सर्वाधिक मत सचिव समावेशीका उम्मेदवार अमर भूजुले पाएका छन् । उनले पाएको मत १४६ रहेको निर्वाचन समितिले जनाएको छ । कोषाध्यक्षमा पनि झा प्यानलकै अर्जुन पन्तले ९१ मत पाए उनका प्रतिस्पर्धामा रहेका जयराम बास्तोलाले ७७ मत पाएको निर्वाचन समितिले जनाएको छ । सदस्यमा आदिवासी जनजातिका उम्मेदवार रत्नकृष्ण श्रेष्ठले सर्वाधिक १३६ मत पाएका छन् ।
