News Portal

  • पत्रकार महासंघमा पोख्रेल नेतृत्वको प्यानल निर्वाचित, भक्तपुरका किलम्बू भए केन्द्रीय सचिव

    भक्तपुरपोस्ट संवाददाता भक्तपुर, २८ चैत
    १७५१ पटक
    भक्तपुर, २८ चैत

    नेपाल पत्रकार महासंघको अध्यक्षमा विपुल पोख्रेल भारी मतले निर्वाचित भएका छन् । शनिबार सम्पन्न मतगणनाबाट पोखरेलसहित उनी नेतृत्वको पूरै प्यानल बिजयी बनेको हो ।

    निकटत्तम प्रतिद्वन्दी रहेकी निर्मला शर्माले ३९१५ मत प्राप्त गर्दा पोख्रेल ६९४२ सहित बिजयी बनेका हुन् । उनकै प्यानलबाट रमेश विष्टले वरिष्ठ उपाध्यक्षमा माधव नेपाललाई पराजित गरेका छन् भने महिला उपाध्यक्षमा बाला अधिकारीले दाना केसीलाई पराजित गरेकी छन् । त्यसैगरी समावेशी उपाध्यक्षमा अवधेश झालाई पराजित गर्दै उदय जिएम निर्वाचित भएका छन् ।

    महासचिवमा पनि पोख्रेल प्यानलकै रोशन पुरीले बाजी मारे । अघिल्लो पटक पनि पराजयको स्वाद चाखिसकेका बालकृष्ण बस्नेतलाई पुरीले साजिलै पराजित गर्न सफल भएका हुन् । यस्तै सोही प्यानलका गोविन्दप्रसाद चौलागाईंले खुला सचिवमा रामकृष्ण ज्ञवालीलाई पराजित गरेका छन् । महिला सचिवमा सिर्जना अर्याल शर्माले निमा काफ्लेलाई पराजित गरिन् ।

    आदिवासी जनजातितर्फको सचिवमा नारायण सुन्दर किलम्बू निर्वाचित भएका छन् । उनी भक्तपुर शाखाका पूर्व अध्यक्ष समेत हुन् । कान्तिपुर टिभीमा कार्यरत किलम्बूले करिब डबल मतका साथ् प्रतिस्पर्धीहरुलाई पराजित गर्न सफल भए । उनले आफ्नो निकटत्तम प्रतिस्पर्धी शाहीमान राइका बिरुद्ध ६ हजार ३ सय मतसहित बिजय हात पारे । किलम्बूलाई भक्तपुर शाखाबाट १७४ मत खस्दा १२९ मत प्राप्त भएको थियो ।

    सचिव मधेसीतर्फ दीपेन्द्र चौहान, सचिव दलिततर्फ हेमकर्ण विक, सचिव एशोसिएट पवन आचार्य निर्वाचित भएका छन् भने कोषाध्यक्षमा कलेन्द्र सेजुवाल र लेखा समिति संयोजकमा लेखनाथ न्यौपाने निर्वाचित भएका छन् । उनीहरु सबै पोख्रेल प्यानलका हुन् । पोख्रेल प्यानलले पदाधिकारीमा शर्मा प्यानललाई पुरै बढारिदिएको छ । सदस्यहरूमा समेत अधिकांश पोख्रेल प्यानल बाटै निर्वाचित भएका छन् ।

    प्रतिकृया दिनुहोस्

    इनार, ढुंगेधारा र पोखरीहरुको श्रोत संरक्षणमा सरकारले ध्यान दिनुपर्ने

    लालितपुर,  ६ बैशाख २०८१ । काठमाडौं उपत्यका खानेपानी व्यवस्थापन बोर्डको १९ औं वार्षिकोत्सवमा भक्तपुर नगरपालिकाका...

    रामनवमीमा दिव्येश्वरीको वार्षिक पुजा

    भक्तपुर, ५ बैशाख २०८१ । रामनवमीको अवसरमा मध्यपुर थिमि नगरपालिका–१, लोहकिल्थलीस्थित दिव्येश्वरी मन्दिरमा वार्षिक पुजा...

    नव प्रवेशी ८२ शाखा अधिकृतको पदस्थापन, २९ लाई पालिकामा प्रमुख प्रशासकीयको जिम्मेवारी

    निजामती सेवामा नव प्रवेशी शाखा अधिकृतको पदस्थापन गरिएको छ । ब्याट ३७ का ८२ शाखा...

    मध्यपुर थिमिको सिन्दुर जात्रा र जिब्रो छेड्ने जात्रा सम्पन्न, सुजनले दोश्रो पटक छेडे जिब्रो

    भक्तपुरको मध्यपुर थिमि नगरमा सिन्दुर जात्रा सम्पन्न भएको छ । बिस्का जात्राकै अवसरमा मध्यपुरमा बैशाख...

    महोत्सव समापनमा भक्तपुरका पत्रकार ढकाललाई सम्मान

    भक्तपुर । जिल्लामा लामो समयदेखि पत्रकारितामा क्रियाशील रहेका पत्रकार हेमराज ढकाल सम्मानित भएका छन् ।...