भक्तपुरको बिस्का जात्राको लिंगो बुधबार राति ढालिएको छ । बुधबार साँंझ ६ः२५ बजे उठाएको लिंगो ठिक ८ः२५ बजे नै ढालिएको हो ।

बिस्का जात्रामा क्रममा प्रत्येक वर्ष भक्तपुरमा उठाइने लिंगो वर्षको अन्तिम दिन उठाएर वर्षको पहिलो दिन अर्थात् वैशाख १ गते साँंझ ढाल्ने परम्परा छ।

पहिलो दिनमै लिंगो उठाउन नसक्दा भोलिपल्ट बुधबार साँंझ मात्र उठाएर सोहि दिन साझ ढालिएको हो ।

२०७७ चैत्र २८ गते पाँचतल्ले मन्दिर अगाडिबाट सुरु भएको जात्रा त्यहि स्थानमा २०७८ वैशाख ५ गते पाँंचतल्ले मन्दिर अगाडि नै भैरबनाथको रथलाई तानेर सम्पन्न हुनेछ । आठ रात नौ दिन लामो विस्केट जात्राको मुख्य आकर्षण भैरबनाथको रथ तान्नु र लिंगो उठाउनु र ढाल्नु हो ।