भक्तपुरपोस्ट संवाददाता भक्तपुर, २ बैशाख
भक्तपुर, २ बैशाखआज भक्तपुरको मध्यपुर ठिमीमा धुमधामका साथ सिन्दुर जात्रा मनाइदै छ । विस्का जात्राको छैठौ दिन बैशाख २ गते सिन्दुर जात्रा भव्य रुपमा मनाइन्छ ।
उक्त सिन्दुर जात्रामा ३२ वटा खट बालकुमारी मन्दिर परिक्रमा गर्दै नगर परिक्रमा गर्ने प्रचलन छ ।
खटमा मूल देवता राखी धिमेबाजाका साथ चिराग बाली सिन्दुर जात्रा मनाइने गरिन्छ ।
जात्रामा काँया बाजा, भुस्याबाजा, धिमेबाजा बजाएर खटलाई घुमाउँदै एक अर्कालाई सिन्दुर दल्ने, आपसमा सिन्दुर खेली रमाइलो गर्ने गर्दछन ।
उक्त सिन्दुर जात्रामा बाहिरबाट हेर्न आउने जात्रालुहरुलाई अनुमति विना सिन्दुर जबर्जस्ती लगाउने भने गरिंदैन ।