News Portal

  • कोभिड कहर : बिहेकै दिन बेहुली भक्तपुर अस्पतालको आइसियुमा

    भक्तपुरपोस्ट संवाददाता भक्तपुर, १३ बैशाख
    ४९८१ पटक
    भक्तपुर, १३ बैशाख

    छोरी अन्माएर बेहुलाको घर पठाउने बेलामा अस्पताल पठाउनु परेपछिको पिडा भोग्नेलाई मात्र थाहाँ हुन्छ । भक्तपुरमा यस्तै पिडा भोग्न बाध्य बनेको छ एक परिवार ।

    बिबाह गरेर घर भित्राउन नपाउदै बेहुला अस्पतालमा बेहुलीको कुरुवा बस्नु परेको छ । कोरोना भाइरस संक्रमण(कोभिड १९) का कारण बेहुली सिकिस्त भएपछि बेहुलाको अस्पतालमा बास भएको हो । नयाँ बेहुली यतिबेला आफूले देखेका अनेक सपनाहरु बिर्सिएर कोभिड बिरुद्ध अस्पतालमा लडिरहेकी छन् र उनलाई पर बाट यस लडाइमा साथ् दिइरहेका देखिन्छन् बेहुला, जसले उनलाई सधै साथ् दिने बचन दिएर शुक्रवार मात्र आफ्नो जीवनसाथी बनाएका थिए ।

    बेहुलाबेहुलीको निधारबाट बधाइको अबिर अझै पखालिएको छैन तर कोभिडलाई नजितुन्जेल यी अविरका रंगहरु उनीहरुका लागि रंगिन होइन, फिका लागेका छन् । आखाँमा त्रास र मुहारमा गाम्भीर्यता सहजै पढ्न सकिन्छ ।

    भक्तपुर अस्पतालले आइसोलेसनमा राखेको २२ वर्षिया ति बेहुलीको अवस्था आइतवार सामान्य थिएन । स्वास फेर्न समस्या भएपछि उनी निकै छट्पटाएकि थिइन् । उनलाई आइसीयुको आवश्यकता देखियो । चिकित्सकले सहि निर्णय लिन सकेका थिएनन किनभने आइसीयु खाली थिएन ।

    भाग्यवस अस्पतालकी मेसु डा सुमित्रा गौतम र मेट्रोन रजनी श्रेष्ठ त्यहाँ पुगे । उनीहरुले बोल्ड डिसिजन लिए । आइसीयुको बिरामीलाई हटाएर बेहुलीलाई बचाउने । यो निर्णय लिनु चुनौतीपूर्ण थियो किनभने आइसियुका डाक्टर यसको पक्षमा थिएनन् ।

    नयाँ बेहुली जसलाई कयौं मानिसले उनको बिबाहमा सामेल भएर शुभकामना दिए तर उनीहरुकै कारण सायद उनी अस्पतालमा जीवन र मृत्युको एक्लो लडाई लड्न बाध्य बनिन । उनीसंग उनकै बेहुला पनि पर बसेर संगै भएको ढाडस दिनुबाहेक अरु केहि गर्न समर्थ थिएनन् ।

    अन्तत मेसु र मेट्रोनको निर्णय लागू भयो । उपचारमा रहेका एक बिरामीलाई तानेर बेहुलीलाई आइसियुमा भर्ना गरियो । उनी बिस्तारै छ्ट्पटाउन छाडिन् । अहिले उनी अस्पतालमै स्वास्थ्य लाभ गर्दैछिन । सोमबार उनको स्वास्थमा सुधार आएको भक्तपुर अस्पतालले जनाएको छ । आफ्नै बिबाहमा आशिर्वाद दिन आएकाहरुले आफूलाई संक्रमित बनाएको र कोभिडको लडाइमा एक्लै छाडेको स्मरण सायद यी बेहुलीले जीवनभर गरिरहेने छिन् । उनी लगायत उपचाररत सबै बिरामीको शिघ्र स्वास्थ्य लाभको कामना !

    प्रतिकृया दिनुहोस्

    राष्ट्रका लागि दुई घण्टा अभियानमा पूर्व प्रधानमन्त्री ओलीको ऐक्यवद्धता

    भक्तपुरबाट शुरु गरिएको ‘राष्ट्रका लागि दुई घण्टा अभियान’ मा पूर्व प्रधानमन्त्री केपी शर्मा ओलीले ऐक्यवद्धता...

    ४ चिनियाँ नागरिक भक्तपुरमा पक्राउ

    भक्तपुरको सूर्यविनायक नगरपालिका वडा नं. १० भातेढिकुर स्थित अरनिको हाइवे बाट ४ चिनियाँ नागरिक पक्राउ...

     नेपालमा सुनको नयाँ किर्तिमान

    नेपाली बजारमा सुनको मूल्यले नयाँ किर्तिमान बनाएको छ । विहिबार सुन तोलामा १८ सयले बढेर...

    जेठ २६ गते नगदेशमा दिनभर वः फेस्टिबल, ४ लाखले अवलोकन गर्ने

    मध्यपुर थिमि नगरपालिकामा फेरिपनि वः फेस्टिबल हुने भएको छ । अघिल्लो वर्ष दुईपोखरीमा गरिएको व:...

    मातृभाषा जोगाउने अभियानमा पनि पत्रकारिता जोडिनुपर्नेमा जोड

    उपप्रधान एवं परराष्ट्र मन्त्री नारायणकाजी श्रेष्ठ प्रकाशले मातृभाषाको संरक्षणका लागि पत्रकारिता जगत अघि बढ्नुपर्ने बताएका...