News Portal

  • भक्तपुरमा सत्तारुढ एमालेका वडासचिवकै नेतृत्वमा २ दर्जन युवाहरु काँग्रेसमा प्रवेश

    भक्तपुरपोस्ट संवाददाता भक्तपुर, १४ बैशाख
    १३८७ पटक
    भक्तपुर, १४ बैशाख

    भक्तपुरमा पछिल्लो समय नेकपा(एमाले) प्रति कार्यकर्ता असन्तुष्ट देखिएका छन् । खासगरी चाँगुनारायण नगरपालिकाका स्थानीय एमाले कार्यकर्ताहरु पार्टीप्रति असन्तुष्ट देखिएका हुन् ।

    केन्द्र र प्रदेशमा मात्र होइन, चाँगुनारायणमा समेत स्थानीय सरकार नेकपा(एमाले)को नेतृत्वमा रहेको छ । तर,सत्ताको साङ्ग्लोले मात्र कार्यकर्तालाई पार्टीमा बाध्न नसक्ने रहेछ । जिल्ला इन्चार्ज समेत रहेका सोमप्रसाद मिश्र चाँगुनारायणका मेयर समेत छन् । तर, उनकै नगरका युवाहरु एमाले परित्याग गर्दै अन्य दलमा प्रवेश गर्नेक्रम भने बढेको छ ।

    यसैबीच, मंगलवार चाँगुनारायण ८ का २ दर्जन युवाहरु नेपाली काँग्रेसमा प्रवेश गरेका छन् । एमालेका पूर्व वडासचिव भरतप्रसाद दुलालको नेतृत्वमा उक्त क्षेत्रका २ दर्जन युवाहरु काँग्रेसमा प्रवेश गरेका हुन् । सुडाल, रातोपाटी र दुलालगाउँका स्थानीय युवाहरु काँग्रेसमा प्रवेश गरेका स्थानीय नेता जनक खत्रीले जनाएका छन् । उनका अनुसार स्थानीय सुवास श्रेष्ठ, सुरज श्रेष्ठ, बद्री श्रेष्ठ,दिपेन्द्र खड्का,चित्र कुमार, मुक्ता लामा, दोर्जे लामा, प्रेम बिक,निर्मल रंजितकार,मुकेश भण्डारी,सुरेन्द्र रंजितकार,उमेश धुलिखेले,सुरेन्द्र श्रेष्ठ, संजु मगजु,अनिल मगजु,अनिल रंजितकार, जेनस तामाङ्ग, सुभद्रा श्रेष्ठ र निर्मल खड्का लगायतका युवाहरु बिभिन्न पार्टी परित्याग गर्दै नेपाली काँग्रेसमा प्रवेश गरेका हुन् । समकालीन जेठो पार्टी, आन्तरिक लोकतन्त्रको अभ्यास हुने र प्रत्येक राजनीतिक मोडमा बढी जिम्मेवारी एवं कर्तव्यबोधका साथ् अघि बढ्ने भएकाले आफूहरु नेपाली काँग्रेसमा प्रवेश गरेको उनीहरुको भनाइ छ ।

     

    उनीहरुलाई जिल्ला सभापति दुर्लभ थापाले एक कार्यक्रमका बीच पार्टी प्रवेश गराएका छन् । भनपा २ स्थित पार्टी कार्यालयमा नवप्रवेशी युवाहरुलाई भित्राउदै गर्दा सभापति थापा उत्साहित देखिए । सत्तामा रहे पनि नरहे पनि जनताको पार्टी काँग्रेस नै भएको जिकिर गर्दै उनले युवाहरुले सहि निर्णय गरेको भन्दै पार्टीमा स्वागत गरे ।

    लोकतन्त्र, राष्टियता र समाजवाद नै नेपाली काँग्रेसको पहिचान भएको भन्दै उनले काँग्रेसले चुनाव हारे पनि यसको लोकतान्त्रिक मूल्यमान्यताले सधै जीतिरहने जिकिर गरे । काँग्रेस एउटा जीतले मात्तिने र हारमा आत्तिने पार्टी नभई लोकतन्त्र र निर्वाचनको पहरेदार भएको उनको भनाइ छ । उनले काँग्रेस लाई फुटवलको ब्राजिल र अर्जेन्टिनासंग तुलना गरे । ”विश्वकप अरु राष्ट्रले जितेपनि जसरी ब्राजिल र अर्जेन्टिनामै फूटबल प्रेमीको आखा टिक्ने गर्दछ, नेपालको राजनीतिमा काँग्रेसको स्थान त्यस्तै हो ।” उनले भने ।

    कांग्रेसले पार्टी भित्र पनि लोकतान्त्रिक पद्धतीबाट नेता चुन्ने भएकोले काँग्रेसका प्रत्येक कार्यकर्ता पार्टीको उच्च पदमा पुग्न सक्ने सम्भावना उत्तिकै भएको भन्दै उनले नवप्रवेशी युवाहरुलाई पार्टीले उचित जिम्मेवारी दिने र उनीहरुले पनि आफूलाई सहि कार्यबाट स्थापित गर्नसक्नुपर्ने आवस्यकता औल्याए ।

    उक्त अवसरमा बागमती प्रदेश सभाका सदस्य समेत रहेका भक्तपुर काँग्रेसका नेता कृष्णलाल भडेलले वडा नम्बर ८ का युवाहरुको प्रवेश संगै चाँगुनारायणमा काँग्रेस झन् बलियो बनेको बताए । यसलाई उनले आगामी स्थानीय निर्वाचनमा काँग्रेसको नेतृत्वमा स्थानीय सरकार बन्ने आधारको रुपमा अर्थ्याएका थिए । त्यसैगरी नेपाली काँग्रेस भक्तपुरका क्षेत्रीय सभापति जीवन खत्रीले युवाहरुको आगमनले भक्तपुर काँग्रेस मात्र नभई केन्द्र समेत खुशी भएको खुलासा गरे । पार्टी प्रवक्ता विश्वप्रकाश शर्मा र युवानेता गगनकुमार थापाले पनि नवप्रवेशी युवाहरुलाई बधाई पठाएको भन्दै उनले नवप्रवेशी युवाहरुलाई पार्टी गतिविधिमा सक्रिय बन्न प्रोत्साहित गरेका थिए ।

    नेपाली काँग्रेस ८ नम्बर वडाका अध्यक्ष राधेश्याम कार्कीको सभापतित्वमा सम्पन्न पार्टी प्रवेश कार्यक्रममा जिल्ला सचिव निशान ढुंगेल, खेलकुद विभागका केन्द्रीय सदस्य उमेश खड्का लगायतको उपस्थिति रहेको थियो ।

    प्रतिकृया दिनुहोस्

    भक्तपुर अस्पतालमा करार सेवाको जागिरका लागि ३ दर्जन बढी डाक्टरको आवेदन

    भक्तपुर अस्पतालमा करार सेवाको जागिरका लागि ३ दर्जन बढी डाक्टरले आवेदन दिएका छन् । पदपूर्तीका...

    पत्रकार थापालाई पितृशोक

    नेपाल पत्रकार महासंघ भक्तपुरकी पूर्व उपाध्यक्ष एवं गोरखापत्र दैनिककी फोटो पत्रकार कविता थापालाई पितृशोक परेको...

    महाजात्राले कमायो २६ करोड ६५ लाख

    mahajatra safalta ghimire

    काठमाडौँ । ‘जात्रा’ र ‘जात्रै जात्रा’ पछि षट्कोण आर्ट्सले निर्माण गरेको तेस्रो भाग ‘महाजात्रा’ प्रदर्शनको...

    क्यानडामा विदेशी विद्यार्थीलाई घर जग्गा किन्न प्रतिबन्ध

    विदेशीलाई क्यानडामा २ वर्षसम्म जग्गा किन्न प्रतिबन्ध लगाइएको छ । समाचार अनुसार यसअघि जनवरी १,...

    आज पनि भिटामिन ‘ए’ खुवाइँदै

    के तपाईले आफ्नो ५ वर्ष मुनिका बच्चालाई ‘भिटामिन ए’ क्याप्सुल ख्वाउनुभयो ? ६ महिनादेखि ५...