भक्तपुरपोस्ट संवाददाता भक्तपुर, १६ बैशाख
भक्तपुर, १६ बैशाख काठमाडौँ उपत्यकामा निषेधाज्ञासंगै भक्तपुरमा पनि प्रहरीले कडाइ गरेको छ । भक्तपुरका सडकमा अनावस्यक आवतजावत रोक्न प्रहरी तैनाथ गरिएको छ ।
ठाउँठाउँमा चेकिङ खडा गरि बिना कारण हिँडडुल गर्ने सर्वसाधारणलाई होल्ड गरिएको महानगरीय ट्राफिक प्रहरी कार्यालय भक्तपुरले जनाएको छ ।
तोकिएको बाहेकका सवारीसाधन चलाउने मानिसहरुलाई नियन्त्रणमा राखिएको र फ़र्काइएको प्रहरीको भनाइ छ ।
ट्राफिक र प्रहरीले संयुक्तरुपमा सवारी चेकिङ गरिरहेका छन् । यसैबीच, प्रेस ज्याकेटको दुरुपयोग हुन नदिन आफूहरुले पनि सडकमा निगरानी गरिरहेको नेपाल पत्रकार महासंघ भक्तपुरका अध्यक्ष जगतकृष्ण प्रजापतिले जनाएका छन् ।
आज बिहान ६ बजेदेखि काठमाडौं उपत्यकाका निषेधाज्ञा सुरु भएको हो। निषेधाज्ञामा अत्यावश्यक बाहेकका सेवा सञ्चालनमा रोक लगाइएको छ ।
